हत्याको आशंकामा आर्यघाटबाट जलाउन लागेको शव बरामद, छोरा पक्राउ

0SHARES

१८ श्रावण २०७७ नेपाल टाईम्स

१८ साउन, काठमाडौं ।
हत्या भएको आशंकामा पशुपति आर्यघाटमा जलाउन लागेको शव प्रहरीले बरामद गरेको छ । आईतबार महानगरीय प्रहरी परिसर ललितपुरले ललितपुर गोदावरीका ५० वर्षका कृष्ण नेपालीको शव बरामद गरेको हो ।

बाबुको हत्याको आशंकामा प्रहरीले उनका छोरा ३० वर्षका सन्तोष नेपालीलाई पक्राउ गरेको छ । ललितपुरका डीएसपी सन्तोष तामाङले शव बरामद गरेर अनुसन्धान सुरु गरेको जानकारी दिए ।

हरीका अनुसार गत बिहीबार राति रक्सी खाएका बेला कृष्ण र छोरा सन्तोषबीच झगडा भएको थियो । त्यसै क्रममा सन्तोषले बाबुमाथि कुटपिठ गरेका थिए । बिहान बाबु बेहोस देखेपछि सैनिक अस्पताल छाउनीमा उपचारका लगी लगेका पनि अस्पतालले मृत घोषणा गर्याे ।

दाह संस्कारका लागि शव आर्यघाट लगिएपछि गाउँलेले प्रहरीलाई खबर गरेका थिए । गाउँलेको सूचनाका आधारमा प्रहरीले शव बरामद गरेको हो ।

Facebook Comments

विज्ञापन बक्स