हुसेन हत्या प्रकरण : आफन्त र सुनसरी प्रशासनबीच सहमति,आन्दोलनका सबै कार्यक्रम फिर्ता

0SHARES

६ मंसिर २०७५ नेपाल टाईम्स

विराटनगर, मंसिर ६
सुनसरीको दुहवी–९ छाताबेलीका फिदा हुसेनको हत्या प्रकरणमा मृतकका आफन्त र सुनसरी प्रशासनबीच सहमति भएको छ । आन्दोलनमा उत्रिएका उनीहरुसँग गृहमन्त्रीको राजीनामा बाहेक पिडित पक्षका सवै माग सम्बोधन गरिने सहमति भएको छ ।

हत्यापछि घोषणा गरिएका यातायात बन्द लगायतका आन्दोलनका सबै कार्यक्रम फिर्ता भएका छन् भने मृतक शव पोष्टमार्टमका लागि पठाईएको छ ।

बुधबार दुहवी नगरपालिका– ९ का ५४ वर्षीय मोहम्मद फिदा हुसेनको मर्निङ वाकमा निस्किएका बेला गोली हानी हत्या भएको थियो । हुसेनको मृत्युपछि स्थानीय र मृतकका परिवार शव सडकमै राखी प्रर्दशन गरेका थिए भने सवारीसाधन आवतजावत ठप्प पारेका थिए ।

विज्ञापन बक्स