२४ घण्टामा थपिए ८९ कोरोना संक्रमित, ९५ जना संक्रमणमुक्त

368SHARES

१५ चैत, विराटनगर । पछिल्लो २४ घण्टामा नेपालमा ८९ जनामा कोरोना भाइरस संक्रमण देखिएको छ ।

स्वास्थ्य मन्त्रालयका अनुसार सोमबार मुलुकका विभिन्न प्रयोगशालामा गरिएको परीक्षणमा ८९ जनामा संक्रमण पुष्टि भएको हो ।

योसँगै नेपालमा कोरोना भाइरसबाट संक्रमित हुनेको संख्या २ लाख ७६ हजार ६३९ पुगेको छ भने सक्रिय संक्रमितको संख्या १ हजार २८२ रहेको छ ।

पछिल्लो २४ घण्टामा थप ९५ जना संक्रमणमुक्त भएका छन् । हालसम्म निको हुनेको संख्या २ लाख ७२ हजार ५३० रहेको छ ।

यस्तै पछिल्लो २४ घण्टामा नेपालमा कोरोनाबाट कसैको मृत्यु भएको छैन । हालसम्म नेपालमा मृत्यु हुनेको संख्या ३ हजार २७ रहेको छ ।

हालसम्म देशभर २२ लाख ६१ हजार १४६ नमुनाको पीसीआर परीक्षण भएको छ । क्वारेन्टाइनमा ५७ जना रहेका छन् ।

छुटाउनुभयो कि?

सम्पूर्ण