Nepal Times
Nepal Times
3
Shares

विश्वकपका लागि ब्राजिलद्वारा अन्तिम टोली छनोट

विश्वकपका लागि ब्राजिलद्वारा अन्तिम टोली छनोट

विराटनगर – ब्राजिलको राष्ट्रिय फुटबल टोलीले जुन तेस्रो साताबाट सुरु हुने फिफा विश्वकपका लागि २३ सदस्यीय अन्तिम टोलीको नाम सार्वजनिक गरेको छ ।

प्रशिक्षक टिटेले घोषणा गरेको टोलीमा पेरिस सेन्ट जर्मेनका फरवार्ड नेयमारको पनि नाम रहेको छ । विगत केहि महिनायता चोटका कारण मैदान बाहिर रहेका फरवार्ड लाइ प्रशिक्षकले टोलीमा समेटेका छन् ।

सार्वजनिक टोलीमा प्रिमियर लिग च्याम्पियन म्यानचेस्टर सिटीका चार खेलाडी छन् ।

गोलरक्षक एडरसन, डिफेन्डर ड्यानिलो, मिडफिल्डर फर्नानडीन्हो र फव्र्रद ग्याब्रिएल जेससले टोलीमा स्थान बनाएका छन् भने चेल्सीका विलियन र लिभरपुलका रोबर्टो फिर्मिनो पनि टोलीमा अटाएका छन् ।

यस्तै एएस रोमा बाट व्यवसायिक फुटबल खेलिरहेका गोलरक्षक एलिसन र कोरिनथियन्सका क्यासिओ पनि टोलीमा छन् । डिफेन्समा रियल म्याड्रिडका मार्सेलोसँगै पिएसजीका थियागो सिल्भा र मार्किन्हस अटाए । यसबाहेक इन्टर मिलानका मिरान्डा, ग्रेमिओका पेड्रो जेरोमेल, एटलेटिको म्याड्रिडका फिलिपे लुइस र कोरिन्थियन्सका फाग्नर छन् ।

मिडफिल्डमा बार्सिलोनाका फिलिप कोउटिन्हो र पाउलिन्हो, शख्तर डोनेस्कका फ्रेड, रियल म्याड्रिडका क्यासेमिरो, युभेन्ट्सका डग्लस कोस्टा र बेजिङका रेनाटो अगुस्टो छन् । फरवार्डमा शाख्तरका टाइसनले फिर्मिनो, जेसस र नेयमारलाई साथ दिनेछन् ।

चोटका कारण पिएसजीका डिफेन्डर ड्यानी आल्भेसले भने टोलीमा स्थान बनाउन सकेनन् । ब्राजिल विश्वकपको समूह ‘ई’ मा छ । ब्राजिलको समूहमा कोस्टा रिका, सर्बिया र स्विटजरल्यान्ड रहेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.