विराटनगर, जेठ १०ः मोरङको विराटनगर– १९ बैजनाथपुरमा सिटी सफारी र ट्याम्पु ठोक्किंदा चार जना घाइते भएका छन् ।
उतरबाट दक्षिण तर्फ जाँदै गरेको को १ ह ६८७३ नम्बरको सिटी सफारी र विपरित दिशाबाट आउँदै गरेको को १ ह ९३८२ नम्बरको ट्याम्पु ९अटो रिक्सा बुधबार मध्यान्ह १२ बजे एक आपसमा ठोक्किएर दुर्घटना भएको हो ।
दुर्घटनामा परी सुनसरी दुहबी नगरपालिका– ७ पचिरा बस्ने डुनी चौधरी ,मोरङ ग्रामथान गाउँपालिका ६ का २० वर्षीय सफिद असर्फी , सोही ठाउँ बस्ने १६ वर्षिय अजिक मोहमद र चालक ग्रामथान गाउँपालिका –४ बस्ने २८ वर्षीय सुनिल उराव घाईते भएका छन् ।
घाइतेहरुको कोशी अंचल अस्पतालमा उपचार भई रहेको छ ।
सिटी सफारीका चालक मोरङ ग्रामथान गाउँपालिका –१ बस्ने सुरज साहसहित दुबै सवारी साधन नियन्त्रणमा लिएको प्रहरीले जनाएको छ ।
