ईलाम, जेठ १० ः प्रहरीले ईलामको माङसेबुङ गाउँपालिका–३ बस्ने गौतम भन्ने सनिहाङ साँवाको घरबाट दुई थान भरुवा बन्दुक बरामद गरेको छ ।
जबरजस्ती करणी मुद्दाका प्रतिवादी रहेका साँवाको घरबाट प्रहरीले बुधबार दिउँसो छापा मारेर एक थान लोड भएको र अर्को लोड नभएको भरुवा बन्दुक बरामद गरेको हो।
जबरजस्ती करणी मुद्दामा जिल्ला प्रहरी कार्यालयको हिरासतमा रहेका साँवाको घरमा भरुवा बन्दुक राखिएको विशेष सुचनाका आधारमा प्रहरीले उनको घर खानतलासी गर्दा सो बन्दुक बरामद भएको जिल्ला प्रहरी कार्यालय ईलामले जनाएको छ ।
