२२ मंसिर, एजेन्सी । अमेरिकाको क्यालिफोर्नियामा आजबाट लागु हुने गरी ३ साताका लागि लकडाउन घोषणा गरिएको छ ।
कोरोना संक्रमितहरुको संख्या दिनानुदिन बढ्दै गएपछी क्यालिफोर्निया राज्यमा सरकारले लकडाउनको घोषणा गरेको हो ।
क्यालिफोर्निया राज्यका गभर्नर न्युजमले लकडाउनको अवधिभर वयापार व्यवसायहरु बन्द हुने जानकारी दिंदै लकडाउनको नियम पालना गर्न सबैमा अपील गरेका छन् ।
यसअघि गत मार्चमा लकडाउन घोषणा गरिएको क्यालिफोर्नियामा लकडाउन खुकुलो हुने वित्तिकै कोरोना संक्रमितको संख्या बढेपछी राज्य सरकार लकडाउन गर्न बाध्य भएको हो ।
यसैगरी अमेरिकाकै सन्फ्रान्सिस्कोमा पनि आजबाट लागु हुने गरी २ साताका लागि लकडाउन घोषणा गरिएको छ ।
अमेरिकामा बिगत ३ दिनमा २ लाख ३० हजार जनामा संक्रमण पुष्टी भएको छ । एक सातामा दैनिक २ हजार बढीको मृत्यु हुने गरेको छ ।
