Nepal Times
Nepal Times
3
Shares

भिसा तस्करी गरेको आरोपमा कतारमा नेपालीलाई एक वर्ष जेल

भिसा तस्करी गरेको आरोपमा कतारमा नेपालीलाई एक वर्ष जेल

विराटनगर,जेठ १७
अवैध ढंगले भिसा तस्करी गर्ने नेपालीलाई कतारको अदालतले एक वर्ष जेल र २० हजार रियाल ९६ लाख रुपैयाँ जरिवाना तोकेको छ ।

कतार स्थित नेपाली दुतावासका अनुसार भिसाको अवैध तस्करी गरेको अभियोगमा तवरेज आलामलाई अदालतले सजाय तोकेको हो । उनी सँगै सोही कारोबारमा संलग्न अदालतले विभिन्न देशका ४० जना माथि मुद्दा दायर गरेको छ । आलाम आउँदो फेब्रुअरी १४ सम्म जेल बस्नुपर्ने समय तोकेको छ ।

पछिल्लो समय दललालहरु कतारका रोजगारदाता कम्पनी र नेपालका म्यानपावरसँग मिलेर ‘आजाद भिसा’ को नाममा नेपाली कामदारमाथि चरम शोषण गरिरहेका छन् । कतार सरकारले कामदारसँग भिसाको शुल्क लिने र कामदारलाई झुक्याएर ल्याउने कार्यलाई गैरकानुनी भन्दै कारबाही गर्ने गरेको छ ।

कतारको खोज अनुसन्धान तथा अनुमगन विभागले यस्ता दलालविरुद्ध कारबाही गर्न आफुहरुले कडाई गर्दै आएको जनाएको छ । विभागका अनुसार हालै मात्रै भिसा कारोबार गर्ने ४० जनालाई पक्राउ गरी कारबाही प्रक्रिया अगाडि बढाइएको छ ।

विभागका प्रमुख ब्रिगेडर अब्दुल्ला जबेर अल लब्दाका अनुसार अवैध भिसाको व्यापार गर्नेविरुद्धको अनुसन्धान सफल हुँदै गएको छ । ‘आप्रवासी कामदारमाथि हुने शोषण र समस्या समाधानको लागि भिसा कारोबार गर्ने विरुद्ध कारबाही अगाडि बढाइएको हो,’ लब्दाको भनाइ छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.