विराटनगर,जेठ १८
पाल्पाको तानसेनबाट रामपुर जाँदै गरेको बस दुर्घटना हुँदा १२ जनाको मृत्यु भएको छ भने १५ जना घाइते भएका छन् ।
शुक्रबार बिहान यात्रु बाकेर जाँदै गरेको लु १ ख ९७५ नम्बरको यात्रुबाहक बस रम्भा गाउँपालिका–४, होमिनमा सडकबाट अन्दाजी २ सय मिटर तल खसेर भएको दुर्घटना भएको हो ।
दुर्घटनामा परेर ९ पुरुष र ३ महिलाको मृत्यु भए पनि सनाखत हुन बाँकी रहेको जिल्ला प्रहरी कार्यालय, पाल्पाका प्रमुख प्रहरी उपरीक्षक डिल्लीराज पन्तले बताए ।
दुर्घटनाका घाइतेहरुलाई उद्धार गरी अस्पताल लगिएको छ । यसबारे थप अनुसन्धान भइरहेको प्रहरी भनाइ छ ।
