५ माघ, विराटनगर ।
विराटनगर जुनियर जेसिजको अध्यक्षमा जिना शर्मा निर्विरोध निर्वाचित भएकी छन् । विराटनगर जेसिजको सभा हलमा सम्पन्न निर्वाचन प्रक्रियाबाट २६ औँ अध्यक्षका रुपमा शर्मा निर्वाचित भएकी हुन् ।
त्यस्तै तालिम संयोजकमा बिकल्प न्यौपाने ,कार्यकारिणी उपाध्यक्षमा आयुशा खतिवडा र मुकेश यादब, उपाध्यक्षमा दिप्शन राइ, हेनरिका ढकाल, अमन मण्डल निर्वाचित भए भने जनसम्पर्क अधिकारीमा सुगम बुढाथोकी निर्विरोध भएको निर्वाचन अधिकृत दिपा ओडारीले घोषणा गरेकि थिइन् ।
नवनिर्वाचित अध्यक्षले कानुनी सल्लाहकारमा प्रिन्स पौडेल ,महासचिबमा रितेश मैनाली , उपाध्यक्षमा गौरब कर्ण र सह सचिबमा प्रतीक्षा न्यौपानेलाइ नियुक्त गर्दै आफ्नो बोर्ड लाई पुर्णता दिएकी छन् ।
कार्यक्रममा वर्ष २०२० का अध्यक्ष अङ्कित थापाले नवनिर्वाचित बोर्डलाई शुभकामना दिँदै आफ्नो कार्यकालमा पुरा हुन नसकेका काम हरु बर्ष २०२१ ले पूरा गर्ने विश्वास ब्यक्त गरेका थिए ।
संस्थापक अध्यक्ष सन्देश दास श्रेष्ठले लामो यात्रा तय गरेको जुनियर जेसिजलाई नयाँ उचाई दिन नवनिर्वाचित अध्यक्ष जिना सक्षम रहने कुरामा विश्वस्त रहेको र आफ्नो साथ सदैव रहने भन्दै शुभकामना दिएका थिए ।
कार्यक्रममा संस्थापक अध्यक्ष श्रेष्ठसहित विराटनगर जेसिजका तालिम संयोजक अभिनास थापा , कार्यकारिणी उपाध्यक्ष पंकज सापकोटा , उपाध्यक्ष सुभाष भण्डारी , जुनियर जेसिज संयोजक मिलाप कर्ण , जुनियर जेसिजका पुर्व अध्यक्ष रमित श्रेष्ठ ,सनराइज चौधरी लगायतको उपस्थिती रहेको थियो ।
