८ माघ, विराटनगर । पछिल्लो २४ घण्टामा देशभर ३३६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै देशभर संक्रमितको संख्या २ लाख ६८ हजार ६४६ पुगेको छ । सक्रिय संक्रमितको संख्या ३ हजार ७९९ छ भने क्वारेन्टाइनमा १७२ जना रहेका छन् ।
त्यसैगरी २४ घण्टामा २२६ जना निको भइ डिस्चार्ज भएका छन् । योसँगै कोरोनाबाट निको हुनेको संख्या २ लाख ६२ हजार ८६८ पुगेको छ ।
२४ घण्टामा कोरोनाबाट ४ जनाको मृत्यु भएको छ र हालसम्म कोरोनाबाट ज्यान गुमाउनेको संख्या १ हजार ९७९ रहेको छ ।
