Nepal Times
Nepal Times
3
Shares

आफ्नै मन्त्री माथि मुख्यमन्त्री असन्तुष्ट !

आफ्नै मन्त्री माथि मुख्यमन्त्री असन्तुष्ट !

विराटनगर,जेठ  २२

प्रदेश नम्बर १ का मुख्यमन्त्री शेरधन राईले आफ्नै क्याविनेटका मन्त्री र कर्मचारी प्रति नै असन्तुष्टि व्यक्त गरेका छन् ।

मुख्यमन्त्रीको कार्यालय पुगेका संचारकर्मीसँग कुरा गर्दै उनले आफूसँग प्रदेशका अन्य मन्त्री र कर्मचारीको टिम स्पिड नमिलेको गुनासो गरे ।

प्रदेशको विकास र समृद्धिभन्दा अरू कुनै कुरा आफूले नसोचेको बताउँदै उनले यहाँको क्याविनेट र कर्मचारीतन्त्रका कारण सोचेको जस्तो काम गर्न नसकेको गुनासो गरे । मुख्यमन्त्री राईले कर्मचारीतन्त्रको केन्द्रीकृत मानसिकता र कर्मचारीले केन्द्रका विभागीय मन्त्रीको दिमाग भुटेका कारण समस्या आइरहेको पनि बताए ।

त्यस्तै मुख्यमन्त्री राईले कनिका छरेजस्तो बजेट छरेर नदिने बताए । उनले स्थानीय तहमा बजेट पठाउँदा पनि एक पालिका एक योजना र एक निर्वाचन क्षेत्र एक योजना निर्माण गरी ठोस काम हुने गरी बजेट खर्च गरिने जानकारी दिए ।

प्रदेशका ५६ वटा निर्वाचन क्षेत्रमा पाँच वर्ष भित्रमा ५६ वटा कालोपत्रे, ५६ वटा पक्की पुल निर्माण गरिने र ५० देखि १ सय मेगावाट क्षमताका आयोजना निर्माण गरी १ हजार मेगावाट विद्युत् उत्पादन प्रदेश सरकारले नै गर्ने उनले बताए ।

कृषि, पर्यटन, जलस्रोत र उद्योगधन्दाको विकासलाई नै प्रदेश सरकारले आफ्नो प्राथमिकतामा राखेको र सोही बमोजिम प्रदेशको नीति तथा योजना र बजेट तर्जुमा गरेको उनले जानकारी दिए ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.