Nepal Times
Nepal Times
3
Shares

मस्जिदमा गोलीहानी चार जनाको हत्या

मस्जिदमा गोलीहानी चार जनाको हत्या

अफिगानिस्तान, जेठ २४

अफगानिस्तानको पूर्वीप्रान्त खोस्तमा अवस्थित एक मस्जिदमा प्रार्थनाका लागि बसेका भक्तजनमाथि बन्दुकधारीले गरेका गोली प्रहार गर्दा कम्तीमा चार सर्वसाधारणको मृत्यु भएको छ ।

यस गोली काण्डमा चार सर्वसधारणको मृत्यु हुनुको साथै अन्य पाँच जना घाइते भएका प्रान्तीय सरकारका प्रवक्ताले जानकारी दिएका छन्।

खोस्त प्रान्तको मनदोजायी जिल्लाको लालमायी इलाकाको कमाल खिल मस्जिदमा बुधबार साँझ आतङ्ककारी समूहले गोली प्रहार गरेका थिए ।

साँझको प्रार्थनाको लागि मस्जिदभित्र बसेका व्यक्तिलाई गोलीको शिकार बनाइएको प्रवक्ता तालिब मङगालले सिन्ह्वा समाचार समितिलाई जानकारी दिएका छन् ।

यस आक्रमणको हालसम्म कुनै पनि समूहले जिम्मा पनि लिएको छैन । तर यस आक्रमणमा तालिबानकै हात रहेको अनुमान प्रहरीले गरेको छ ।

अफगानिस्तानमा जारी द्वन्द्वमा परी सन् २०१७ मा तीन हजार ४३० सर्वसाधारणले ज्यान गुमाएका छन् भने सात हजारभन्दा बढी घाइते भएका संयुक्त राष्ट्रसंघीय मिसनले प्रकाशित गरेको एक प्रतिवेदनमा जानकारी दिइएको छ ।
रासस

 

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.