विराटनगर,जेठ २५
विराटनगरको जनआन्दोलन चोक नजिकैको जनपथ मार्गमा पार्किङ गरि राखिएको यात्रु बाहक मिनि बसमा गएराति आगलागी भएको छ ।
एस. लाल पेट्रोल पम्पको नजिकै पश्चिमतर्फ जाने मार्गमा पार्किङ गरि राखिएको श्री गणेश ट्राभल्सको को १ ख ४३६१ नम्बरको यात्रु बाहक मिनि बसमा आगलागि भएको हो ।
आगलागिबाट बसमा अधिकांश भागमा क्षति पुगेको छ । शंकास्पद जस्तो देखिने घटनाको बिषयमा जानकारी दिुंदै मोरङका एसपी मनोजकुमार केसीले आगलागीको बिषयमा अनुसन्धान शुरु गरिएको बताए ।
उनले आगलागी भएको बसको छेउमा अन्य तीनटा बसहरु पार्किङ गरि राखिएको भएपनि अन्य बसमा क्षति नपुगेको तर अलि पूरानो जस्तो देखिने उक्त बसमा आगलागि हुनुको कारणको बिषयमा अनुसन्धान भईरहेको बताए।
