Nepal Times
Nepal Times
3
Shares

अवैध काठसहित पिकअप बरामद

अवैध काठसहित पिकअप बरामद

विराटनगर,जेठ २७

ईलामको सुर्योदय नगरपालिका ३ बाट शनिबार प्रहरीले अवैध काठसहित पिकअप नियन्त्रणमा लिएको छ।

ईलाम सुर्योदय नगरपालिका ३ आले भन्ने स्थानबाट अपरान्ह २ बजे मे. १ ज. १९५२ नम्बरको पिकअप गाडीसहित धुपि जातको अवैध २३ थान ६ फुटे र ७ फुटे फेन्टा काठ बरामद भएको हो।

प्रहरीले गाडीका चालक सुर्योदय नगरपालिका– ३ का केशर प्रधान र काठ धनि दिलीप गुरुङलाई समेत नियन्त्रणमा लिई अनुसन्धानका लागी काठसहित जिल्ला प्रहरी कार्यालयमा राखेको छ।

यता सुनसरीको धरान उपमहानगरपालिका १४ बिजयपुर जङगलबाट सिसौको र सखुवाको काठ बरामद भएको छ।

अस्थायी प्रहरी पोष्ट बिजयपुरको गस्ती टोलीले शनिबार राती जंगलभित्र लुकाई राखेको अवस्थामा १८ थान गरी चिरान गरिएको काठ बरामद गरी अनुसन्धानका लागि नियन्त्रणमा लिएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.