२४ चैत, विराटनगर । नेपालमा पछिल्लो २४ घण्टामा मात्रै २६० जना कोरोना संक्रमित थपिएका छन् ।
यससँगै नेपालमा संक्रमितको संख्या २ लाख ७८ हजार ४ सय ७० पुगेको हो ।
यस्तै, २४ घण्टामा ११३ जना कोरोनाबाट मुक्त भएका छन् । हालसम्म २ लाख ७३ हजार ४ सय ५५ जना संक्रमणमुक्त भएको मन्त्रालयको तथ्यांक छ ।
नेपालमा कोरोना संक्रमणबाट आज कसैको निधन भएको छैन । हालसम्म कोरोनाबाट मृत्यु हुनेको संख्या ३ हजार ३६ नै रहेको छ ।
त्यस्तै १ हजार ९ सय ७९ जना सक्रिय संक्रमित र ६९ जना क्वारेन्टाइनमा रहेको मन्त्रालयले जनाएको छ । हालसम्म नेपालमा २२ लाख ९४ हजार ६७ पीसीआर परीक्षण भएका छन् ।
