३० चैत, काठमाडौं । राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशिल ज्ञवालीले आगामी दिनमा भुकम्पको क्षतिबाट सम्पदाहरुलाई बचाउन सकिने आधार खडा भएको बताएका छन् ।
सोमबार ट्रान्सपरेन्सी इन्टरनेशनल नेपालले आयोजना गरेको भूकम्पपछिको पुनर्निर्माण र पुनस्थापनामा सदाचार कार्यक्रमको समापन समारोहमा बोल्दै प्रमुख कार्यकारी अधिकृत ज्ञवालीले प्राधिकरणले गर्ने कामले थुप्रै सम्पदाहरुको संरक्षण गर्ने प्रविधिलाई पुर्नविकास गरेको बताए । नयाँ प्रविधि देशभित्र आएको र त्यसलाई सरकारले स्वीकार गरेर अगाडी बढ्ने अवस्था समेत बनेको उल्लेख गर्दै उनले त्यसैको जगमा उभिएर आगामी दिनमा पुनः भुकम्प आएपनि सम्पदाहरुलाई जोगाउन सकिने बताए । पुरानै निर्माण सामाग्री र प्रविधि प्रयोग गरेर जान सकिने आधार खडा गरिएको पनि बताए ।
राष्ट्रिय पुनर्निर्माण प्राधिकरणले भूकम्पबाट क्षतिग्रस्त सम्पदाहरु, विद्यालय तथा भवनहरु पुननिर्माण गरेको जानकारी दिए । उनले सम्पदाहरुलाई पुरानै ऐतिहासिकता जोगाउने गरि पुनर्निमाण भएको पनि बताए ।
