२१ बैशाख, एजेन्सी । बंगलादेशको पद्मा नदीमा भएको डुंगा दुर्घटनामा २६ जनाको मृत्यु भएको छ भने कैयौं बेपत्ता भएका छन् ।
स्थानीय सञ्चार माध्यमका अनुसार खचाखच यात्रुले भरिएको डुंगा बालुवा ओसार्ने यन्त्रमा ठोक्किएर उक्त दुर्घटना भएको हो ।
प्रहरी अधिकारीका अनुसार उक्त दुर्घटनामा २६ जनाको शव निकालिएको छ र पाँच जनालाई गम्भीर अवस्थामा अस्पताल भर्ना गरिएको छ ।
अरु बेपत्ता भएको आशंकामा खोजी कार्य तीव्र बनाइएको बताइएको छ । बंगलादेशमा हरेक वर्ष सयौं व्यक्तिको डुंगा दुर्घटनामा मृत्यु हुने गरेको छ ।
गत अप्रिलमा पनि कार्गो जहाज र मानिस ओसार्ने डुङ्गा एकआपसमा ठोक्किदा २७ जनाको मृत्यु भएको थियो । बंगलादेशमा तटीय जलक्षेत्र एवं नदीहरुमा डुंगा मार्फत् यात्रा निकै लोकप्रिय यातायातको साधन मानिन्छ ।
