२८ भदौ, काठमाडौं ।
कालीमाटी फलफूल तथा तरकारी बजार विकास समितिको आइतबारको मूल्य सूचिअनुसार पालुङ्गगो सागको खुद्रा मूल्य प्रति किलो न्यूनतम् दुई सय रहेको छ भने अधिकतम मूल्य दुई सय पचासरुपियाँ रहेको छ । मूल्य सूचिअनुसार पालुङ्गगो सागको खुद्रा मूल्य एक दिनमै पाचास रुपियाँको फरक छ ।
बेमौसमी तरकारीको मूल्य पनि बढेको छ । कालीमाटी फलफूल तथा तरकारी बजार विकास समितिले उपलब्ध गराएको एक महिना अघि साउन २८ गते र आज आइतबार भदौ २७ गतेको औसत थोक मूल्य हेर्दा तरकारीको भाउ चार गुणासम्म बढेको हो ।
एक महिना अघि पच्चीसरुपियाँ पर्ने बोडीको मूल्यअहिले पैसाठ्ठीरुपियाँ पुगेको छ । पैसाठ्ठीरुपियाँमा पाइने काउली अहिले नब्बे रुपियाँ छ । लौका पच्चीसबाट बढेर चालिस पुगेको छ । तिते करेलाको २० रुपियाँबाट बढेर आइतबारसम्म असी रुपियाँ पुगेको छ ।
अदुवा, आलु (रातोरसेता), काउली स्थानीय, काँक्रो, खुर्सानी हरियो (अकबरे), गाजर लोकल, गोलभेडा सानो (टनेल), घिउ सिमी (लोकलहाइब्रिड र टाटे), घिरौंला लगायतका तरकारीको मूल्य बढेको छ । यसैगरी चमसुरको साग, न्यूरो, तोरीको साग, रायोको साग, हरियो धनिया, चिचिन्डो, च्याउ (डल्ले), झिंगुनी, तिते करेला, परवर (लोकल), प्याज हरियो, फर्सी (पोकेकोरहरियो) लगायतका तरकारीका मूल्य पनि बढेको समितिले जनाएको छ ।
गत साउन २८ गतेको तुलनामा आइतबार तितेकरेलाको प्रतिकेजी मूल्य चार गुणाले बढेको छ । साउनमा तिते करेलाको प्रतिकेजी मूल्य बीसरुपियाँ थियो ।अहिले बढेको मूल्य प्रतिकेजी ८०रुपियाँ कायम छ । तने बोडी र घिरौंलाको प्रतिकेजी मूल्य तीन गुणाले वृद्धि भएको छ ।
लौका, लसुन हरियो, ब्रो काउली र हरियो धनियाको मूल्य दुई गुणाभन्दा बढीले वृद्धि भएको छ । साउनमा लौकाको प्रतिकेजी मूल्य २५ रुपियाँ हुँदा आज भाउ बढेर चालिस रुपियाँ पुगेको छ । यस्तै हरियो धनियाँ तीन सय किलो पुगेको छ । लसुन सुकेको एक सय ७० र हरियो तीन सय रुपियाँ छ ।
कालीमाटी फलफूल तथा तरकारी बजार विकास समितिका सूचना अधिकारी विनय श्रेष्ठले प्रत्येक वर्ष यो सिजनमा तरकारीको भाउ बढ्ने बताए । उनले भने , यो सिजनमा तरकारीको भाउ बढ्छ नै बारीमा लगाएको तरकारी पानीले बिगार्छ र त्यसले बजारमा तरकारीको अभाव भएपछि भाउ बढ्छ ।” उनले कृषक तहदेखि नै भाउ बढेर काठमाडौँसम्म तरकारी पुगेकाले मूल्य बढेको बताए । उनका अनुसार अहिले बजारमा आएको तरकारीको मूल्य केही मात्रामा बढेको हो ।
वर्षाका कारण कतिपय किसान लगाएका तरकारी बारीमै कुहिने गर्दा पनि तरकारीको मूल्य बढेको उनले बताए । काठमाडौँमा दैनिक सात सयदेखि आठ सय टन तरकारी आइरहेको उनले जानकारी दिए ।
