५ असोज, एजेन्सी ।
पोर्नोग्राफी मामलामा जेलमा रहेका बलिउड अभिनेत्री शिल्पा शेठ्ठीकी पति राज कुन्द्रा ६० दिनपछि जमानतमा रिहा भएका छन् । मुम्बई कोर्टले राजको जमानत निवेदनमाथि फैसला गर्दै उनलाई जमानत दिने आदेश दिएको हो ।
पोर्नोग्राफी मामलामा व्यापारी राजलाई ५० हजार धरौटीमा जमानत दिएको हो । राजमाथि अश्लील फिल्म बनाएको र त्यसलाई ओटीटी प्लेटफर्ममा रिलिज गरेको आरोप छ ।
राजले सेप्टेम्बर १८ मा अदालतमा जमानतको लागि निवेदन दिएका थिए । उनले आफ्नो वकिल प्रशान्त पाटिलमार्फत जमानतको निवेदन दिएका थिए । जसमाथि सोमबार सुनुवाई गरिएको थियो ।
पोर्नोग्राफीमा मामलामा मुम्बई क्राइम ब्राञ्चका अधिकारीले १५ सय पृष्ठको चार्ज सिट तयार पारेको थियो । जसमा ४३ जना साक्षीको बयान राखिएको थियो ।
राजलाई जुलाई १९ मा पक्राउ गरिएको थियो । उनीविरुद्ध भारतीय खण्ड संहिता र सूचना प्रौद्योगिकी अधिनियमको विभिन्न धारा अनुसार मामला दर्ता गरिएको थियो ।
