धनुषा,साउन २३
सडक निर्माण सम्पन्न नहुँदै भत्कीएर हिलाम्मै भएपछि धनुषको सहिद नगरपालिका स्थानियले सडकमै धान रोपाईं गरेका छन् ।
कलभट र बाटो भत्किएर हिलाम्मै भएको सडकप्रति मेयर र वडा अध्यक्षले कुनै चासो नदेखाएको भन्दै शहिद नगरपालिका वडा नम्बर–६ हर्बराका स्थानियहरुले मंगलबार सडकमा सामुहिक धान रोपाईं गरेका हुन् ।
मेयरले सडक निर्माणको काम ७० प्रतिशत सम्पन्न भएको बताएको तर १० प्रतिशत काम पनि नगरेको स्थानियले दाबी गरेका छन् ।माटो र ग्राइभलका कामको लागि वडा अध्यक्षहरुको सहयोगमा लाखौं रकम विनियोजन गरेको र कामै नगरी रकमको निकासा गरेको स्थानिय उमेश निरौलाले बताए ।
