काठमाडौं, २८ चैत । सोमबार शेयर बजारमा दाेहाेराे अंककाे गिरावट आएकाे छ । बजार मापक परिसूचक नेप्से ४४.५६ अंकले घटेको छ । सोमबार २ हजार ४७१.८१ बिन्दुबाट सुरु भएको बजार १.८१ प्रतिशतले घटेर २ हजार ४१९.८० बिन्दुमा पुगी बन्द भएको छ ।
बजार घटेसँगै साेमबार ठूला कम्पनीको बजार मापन गर्ने सूचक सेन्सेटिभ इन्डेक्स पनि ८.८७ अंकले घटेर ४५४.८७ बिन्दु कायम भएको छ ।
यसदिन कारोबारमा आएका २३३ वटा कम्पनीको ४० हजार पटक शेयर कारोबार हुँदा ५० लाख ९५ हजार कित्ता शेयर खरिदबिक्री भएको छ । सोमबार कुल कारोबार २ अर्ब २६ करोड ७ लाख ८६ हजार रुपैयाँ बराबरको भएको छ ।
यसदिन बजार ओरालो लागेसँगै सबै समूहका सूचक राताम्मे देखिएका छन् । कारोबारमा आएका सूचकमध्ये सर्वाधिक अन्य र लाइफ इन्स्योरेन्स समूहको सूचक क्रमशः ४.६२ र ३.१५ प्रतिशतले खुम्चिन पुग्यो ।
यस्तै, १७ वटा कम्पनीका लगानीकर्ताले कमाउँदा १७६ वटा कम्पनीका लगानीकर्ताले गुमाएका छन् । बजार राताम्मे देखिए पनि नेस्डाे समृद्धि लघुवित्तको शेयर मूल्यमा सकारात्मक सर्किट लागेको छ । कम्पनीको शेयर मूल्य १७० रुपैयाँले बढेर प्रतिकित्ता १ हजार ८७० रुपैयाँ हुन पुग्यो । यस्तै, जालपा सामूदायिक लघुवित्तको शेयर मूल्य ९ प्रतिशतभन्दा बढिले वृद्धि हुँदा शेयर मूल्य प्रतिकित्ता ४९१ रुपैयाँ कायम भएको छ । साथै इमर्जिङ नेपाल र राष्ट्र उत्थान लघुवित्तको शेयर मूल्य ९ प्रतिशतभन्दा बढिले घट्न गयो ।
उक्त कम्पनीको शेयर मूल्य क्रमशः १११ रुपैयाँ र १५१ रुपैयाँले घटेर प्रतिकित्ता १ हजार १ रुपैयाँ र १ हजार ३८० रुपैयाँ कायम भएको हो ।
सोमबार सर्वाधिक नेपाल लाइफ इन्स्योरेन्सको १६ करोड ५२ लाख ८० हजार कित्ता शेयर खरिदिबिक्री भएको छ ।
