कास्की, ११ वैशाख । सार्वजनिक स्थलमा कुकुरलाई झुण्ड्याएर मारी सेती नदीको खोंचमा फालेका २३ वर्षे सुदीप परियार पक्राउ परेका छन् । पोखरा- १९ का उनले कुकुरलाई पासो लगाई मारेको भिडियो बनाएर फेसबुकमा पोस्ट गरेका थिए ।
१ अप्रिलमा परियारले भिडियो बनाउँदै वडा नम्बर १६, जोगबनीमा कुकुरलाई यातना दिई मारेका थिए ।
पछि भिडियो उनले फेसबुकमा पोस्ट गरे । सोधपुछ गर्नेक्रममा प्रहरीले उनको मोबाइल र फेसबुक अकाउन्टमा भिडियो फेला पारेको छ ।
पक्राउ परेका परियारलाई ९ दिन थुनामा राखेर थप अनुसन्धान गर्न प्रहरीलाई कास्की जिल्ला अदालतले अनुमति दिएको छ ।
