विराटनगर, १४ वैशाख ।नेकपा एमालेबाट विराटनगर महानगरपालिकामा उपमेयर पदकी उम्मेदवार शिल्पा कार्कीविरुद्ध परेको उजुरीमाथि छानबिन सुरु भएको छ ।
उजुरीमा निर्वाचन अधिकृतको कार्यालयले छानबिन थालेको हो । उपमेयर उम्मेदवार कार्कीसहित पाँचजना उमेदवारविरुद्ध उजुरी परेको मुख्य निर्वाचन अधिकृतको कार्यालयका सूचना अधिकारी हेमराज बुढाथोकीले जानकारी दिए ।
कार्कीविरुद्ध मुख्य निर्वाचन अधिकृतको कार्यालय विराटनगरमा सत्ता गठबन्धनबाट जसपाका उपमेयरका उम्मेदवार अमरेन्द्र यादवले उजुरी दिएका थिए ।
यादवले कार्की विराटनगरस्थित कोशी अस्पताल विकास समितिको सदस्य रहेको र सेवा सुविधा लिइरहेको भन्दै उजुरी दिएका थिए ।