५ जेष्ठ, विराटनगर । प्रदेश १ को राजधानी विराटनगरको मुटुमा अवस्थित हिमालयन रोडमा अब निशुल्क रुपमा वाइफाइ चलाउन सकिने भएको छ ।
महानगरपालिकाले सौन्दर्यीकरण गरिरहेको हिमालयन रोडलाई नेपालको सबैभन्दा ठूलो इन्टरनेट सेवा प्रदायक वर्ल्डलिंकले free wifi zone बनाएको हो ।
अब त्यहा वर्ल्डलिंकका ग्राहकहरुले “myworldlink “ एसएसआइडिमा कनेक्ट गरेर अनलिमिटेड चलाउन सक्नेछन् भने अन्य प्रयोगकर्ता ले दैनिक ५०० एमबी सम्म डाटा निःशुल्क मा चलाउन पाउने छन् ।
मोबाइल सेवा प्रदायकहरुले अहिले ५०० एमबी डाटाको ५० रुपैयाको हाराहारीमा शुल्क तिर्दै आएका छन् ।
अब वर्ल्डलिंक वाइफाइ मोबिलिटीको सुविधा उपयोग गर्ने ग्राहकहरुले डाटामा गर्ने खर्च बचाउनुको साथै उच्च गतिको इन्टरनेट चलाउन सक्ने वर्ल्डलिंकले जनाएको छ ।
वर्ल्डिड्लङ्कका ग्राहकहरुले “myworldlink “ वाइफाई हट्स्पट आफ्नो मोबाइल एप मार्फत युजर नेम र एकाउण्टको पासवर्ड राखेर कनेक्ट गर्न सक्नेछन् भने अरु प्रयोगकर्ताले
Free _ Worldlink _wifi मा मोबाइल नम्बर रजिस्टर गरेर कनेक्ट गर्न सक्नेछन् ।
वर्ल्डलिंकले विराटनगरमा ३०० भन्दा बढी तथा नेपालभर १४ हजार भन्दा ज्यादा स्थानमा निःशुल्क हटस्पट मार्फत वाइफाइ सेवा दिदै आएको दावी गरेको छ ।
