Nepal Times
Nepal Times
3
Shares

झापाको रतुवा खोलामा आएको बाढीले १३ परिवार विस्थापित, २५ घर डुबानमा

झापाको रतुवा खोलामा आएको बाढीले १३ परिवार विस्थापित, २५ घर डुबानमा

६ असार, झापा । झापाको रतुवा खोलामा अविरल वर्षापछि आएको बाढीले जमिन कटान गर्दा १३ परिवार विस्थापित भएका छन् भने २५ घर डुबानमा परेका छन् ।

दमक नगरपालिका–७ रेडक्रस भवन पछाडिको खोला किनार नजिक रहेको बस्तीमा बाढीले कटान गर्दा १३ परिवार विस्थापित भएका जिल्ला प्रहरी कार्यालय झापाका प्रवक्ता प्रहरी नायब उपरीक्षक वसन्त पाठकले जानकारी दिए ।

विस्थापित हुनेमा दमक–७ का खड्ग लिम्बु, राजेश किस्कु, विष्णु लिम्बु, मनोज मास्के, सुवास लिम्बु, भारती तामाङ, रामकुमारी लावती, लाक्पा शेर्पा, गोमा तामाङ, डिकबहादुर गुरुङ, सूर्यमान आचार्य, दीपक गुरुङ र विमल किस्कुको परिवार रहेको छ ।

उनीहरुको घरमा क्षति पुगेकाले नेपाल प्रहरी र स्थानीय बासिन्दाको सहयोगमा उद्धार गरी सुरक्षित ठाउँ र आफन्तको घरमा सारिएको प्रहरी प्रवक्ता पाठकले जानकारी दिए ।

यस्तै, रतुवा खोलामा आएको बाढीकै कारण गौरादह नगरपालिका–६ मा रहेको टङ्गुवा बस्तीमा पानी पसेको छ । त्यहाँका २५ घर डुबानमा परेका छन् ।

बस्तीमा झन्डै दुई फिट पानी पसे पनि अन्य क्षति नभएको र पानीको सतह बिस्तारै घट्ने क्रममा रहेको प्रहरीले जनाएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.