१७ असार,विराटनगर । ताप्लेजुङबाट यात्रु लिएर झापा आउँदै गरेको बोलेरो जीप इलाममा दुर्घटनामा परेको छ। इलाम नगरपालिका वडा नम्बर १ को मिल गोलाई नजिक बोलेरो सडकबाट ५ सय मिटर तल खोलामा झरेको जिल्ला प्रहरी कार्यालय इलामका प्रमुख प्रहरी उपरीक्षक महेन्द्र श्रेष्ठले जानकारी दिए। प्रहरी उपरीक्षक श्रेष्ठका अनुसार बोलेरोमा १२ जना सवार थिए। घाइते सबैको इलाम अस्पतालमा उपचार भइरहेको छ।घाइतेमध्ये ताप्लेजुङ फुङलिङकी ३० वर्षीय मिना खतिवडाको अवस्था चिन्ताजनक छ। उनलाई थप उपचारका लागि झापा लैजाने तयारी भइरहेको छ।ताप्लेजुङबाट झापा तर्फ यात्रु लिएर आँउदै गरेको मे १ ज ३३२९ नम्बरको जीप शुक्रबार इलाम नगरपालिका १ स्थित मिल गोलाईबाट ५ सय मिटर तलको पुवा खोलामा झरेको जिल्ला प्रहरी कार्यालय इलामले जनाएको छ ।घटनाको विषयमा थप अनुसन्धान भइरहेको छ।
