Nepal Times
Nepal Times
3
Shares

फुर्वा तामाङले गरे अभिनेत्री मिरुना मगरविरुद्ध बेइज्जती र कुटपिट गरेको भन्दै मुद्दा दायर

फुर्वा तामाङले गरे अभिनेत्री मिरुना मगरविरुद्ध बेइज्जती र कुटपिट गरेको भन्दै मुद्दा दायर

१२ साउन ,काठमाडौँ ।

अभिनेत्री मिरुना मगरविरुद्ध फुर्वा तामाङले गाली बेइज्जती र कुटपिट गरेको भन्दै मुद्दा दायर गरेका छन् । तामाङले बुधबार काठमाडौं जिल्ला अदालतमा मुद्दा दर्ता गरेका हुन् ।काठमाडौं जिल्ला अदालतका सूचना अधिकारी दीपक दाहालका अनुसार तामाङले अभिनेत्री मगरसहित प्राविधिक पृथ्वीसिंह ठकुरीलाई विपक्षी बनाएका छन् ।

यसअघि तामाङ र मगरबीच मिलापत्र भएको थियो । दर्शकसँग साक्षात्कार गर्न सिभिल मलस्थित हलमा पुगेका बेला भएको अभद्र व्यवहारुसम्बन्धी घटनामा तामाङले गल्ती स्वीकारेपछि भाइ सम्झेर माफी दिएको मगरले बताएकी थिइन् । दुवै पक्षले साक्षीहरूको हस्ताक्षरसहित मिलापत्रको कागजसमेत सार्वजनिक गरेका थिए ।

मगरको उजुरीपछि फुर्पालाई प्रहरीले नियन्त्रणमा लिएपछि प्रदर्शनकारीले अभिनेत्री मिरुना अभिनित कबड्डी ४को प्रदर्शन रोक्नुपर्ने भन्दै प्रदर्शनसमेत गरेका थिए । प्रदर्शनपछि केएल टावरमा अवस्थित हलको शो रद्द भएको थियो । पछि फिल्म निर्माण पक्षकै अनुरोधमा उनलाई रिहा गरिएको थियो ।अभिनेत्री मगरले कुनै जाति, धर्म, सम्प्रदायप्रति असर पुग्ने आशयले कुनै कार्य नगरेको भए पनि उक्त परिस्थितिमा आकस्मिक प्रतिक्रिया जनाउने क्रममा भएको घटनाप्रति क्षमायाचना गरेकी थिइन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.