२५ साउन, एजेन्सी ।
रुस र युक्रेनबीच पछिल्लो १६५ दिनदेखि युद्ध चलिरहेको छ । यसैबीच रुसको कब्जामा रहेको क्रिमियाबाट एउटा तस्बिर आएको छ, जुन अहिले विश्वभर चर्चा भइरहेको छ । यो तस्वीरमा ठूलो विस्फोट देख्न सकिन्छ । मंगलबार रुसी रक्षा मन्त्रालयले नोवोफेदोरिभका गाउँ नजिकै रहेको रुसी नौसेनाको साकी एयर बेसमा विस्फोट भएको जनाएको छ ।
घटना स्थानीय समय अनुसार दिउँसो ३ः२० मा भएको हो। बम विष्फोटबाट भएको क्षतिको पूर्ण विवरण भने अहिलेसम्म सार्वजनिक गरिएको छैन् । विष्फोटमा कुनै पनि विमानमा क्षति नभएको मन्त्रालयले जनाएको छ । विष्फोटको कारण पत्ता लगाउने काम भइरहेको मन्त्रालयले जनाएको छ । एक रिपोर्टका अनुसार एयरफिल्डमा गोलाबारुदको भण्डार थियो, जसमा आगोले कुनै असर गरेन।
उही समयमा, न्यूयोर्क टाइम्सको रिपोर्ट अनुसार, एक युक्रेनी अधिकारीले विस्फोटको पछाडि युक्रेनी सेनाको हात रहेको बताएका छन् । रिपोर्टहरूका अनुसार, अधिकारीले संवेदनशील सैन्य मामिलाहरूमा छलफल गर्दा ’यो एक एयरपोर्ट रहेको दावी गरेका थिए । युक्रेनी अधिकारीहरुले नियमित रूपमा दक्षिणी क्षेत्रमा आक्रमण गर्न यहाँबाट उडान भर्ने गरेको बताएका छन् ।
यस आक्रमणमा कुन प्रकारको हतियार प्रयोग भएको थियो भन्ने थाहा हुन सकेको छैन । तर, अधिकारीले प्रयोग गरिएको हतियार युक्रेनमा बनेको मात्रै रहेको बताएका छन । एक वरिष्ठ रुसी सैन्य अधिकारीले विष्फोट नोवोफेदोरिभकामा भएको पुष्टि गरेका छन् ।
रुसले सन् २०१४ मा क्रिमियालाई आफ्नो कब्जामा लिएको थियो भने साकी एयरबेस पनि कब्जा गरेको थियो । रुसी नौसेनाको ४३ औं स्वतन्त्र नौसेना आक्रमण उड्डयन रेजिमेन्ट यहाँ तैनाथ छ। इस आधार बेसमा १२ सुखोई–३०एमएस, छ एसयू–२४एमएस र छ एसयू–२४एमआरइसहरू तैनाथ रहने गरेका थिए । यस रेजिमेन्टले २०२१ मा कालो सागरमा नेटो सैन्य बलहरूसँग धेरै भिड्न्तहरूको नेतृत्व गरेको थियो ।
यो बेस हाल युद्धस्थलबाट २०० किलोमिटर टाढा छ। अर्थात् साकी एयर बेस युक्रेनको लामो दूरीको फायर मिसाइलबाट टाढा छ। युक्रेनसँग भएका मिसाइल र रकेटहरू अहिले ७० किलोमिटरसम्म मात्र जान सक्नेछन्।
