Nepal Times
Nepal Times
3
Shares

करिम बेन्जेमा हर्षविभोर

करिम बेन्जेमा हर्षविभोर

११ भदौ ,एजेन्सी ।
स्पेनिस क्लब रियल म्याड्रिडका फ्रान्सेली फरवार्ड करिम बेन्जेमा युइएफए २०२१÷२२ का वर्ष खेलाडी घोषित भएका छन् । बेन्जेमाले क्लबका सहकर्मी तथा बेल्जियन गोलरक्षक थिवाउट कोर्टुवा र म्यानचेस्टर सिटीका बेल्जियन मिडफिल्डर केभिन डि ब्रुएनालाई पछि पार्दै वर्ष खेलाडीको उपाधि पाउन सफल भएका हुन् । उत्कृष्ट खेलाडी बनेपछि बेन्जेमाले भने, ‘म साँच्चै खुशी छु ।

मैले यो ट्रफी जितेको पहिलो पटक हो तर मेरो लागि सबैभन्दा महत्वपूर्ण कुरा टोलीसँग ट्रफी जित्नु हो । प्रशिक्षक कार्लाे एन्सेलोटी उत्कृष्ट प्रशिक्षक हुन् ।’टर्कीएको इस्तानबुलमा बिहीबार राति भएको एक समारोहमा बेन्जेमाले ५२३ अंक प्राप्त गरे । ब्रुएनाले १२२ र कोर्टुवाले ११८ अंक प्राप्त गरे । रोबर्ट लेवन्डोस्कीले ५४, लुका मोड्रिचले ५२, साडियो मानेले ५१, मोहम्मद सलाहले ४६, केलियन एमबाप्पेले २५, भिनिसियस जुनियरले २१ र भर्जिल भान डाइकले १९ अंक प्राप्त गर्दै शीर्ष १० मा रहे ।

आफ्नो करिअरको उत्कृष्ट सिजन बिताउने क्रममा बेन्जेमाले गत सिजन रियलका लागि ४६ खेलमा ४४ गोल गर्न सफल भएका थिए । उनले ला लिगामा २७, स्पेनिस सुपर कोपामा दुई र च्याम्पियन्स लिगमा १५ गोल गर्न सफल भएका थिए । बेन्जेमाले रियल म्याड्रिडलाई १४औं पटक च्याम्पियन्स लिगको उपाधि जिताउन महत्वपूर्ण भुमिका निभाएका थिए । गत वर्षदेखि नै फ्रान्सको टोलीमा फर्किएका बेन्जेमाले फ्रान्सका लागि १० खेलमा ६ गोल गर्न सफल भएका थिए ।

रियल म्याड्रिडलाई कीर्तिमानी १४औं उपाधि जिताउन सफल भएका बेन्जेमा २०२१–२२ को युइएफए च्याम्पियन्स लिग प्लेयर अफ दि सिजनमा समेत पर्न सफल भएका थिए । सन् २००९ मा लियोनबाट रियलमा सामेल भएपछि उनी पाँचौपटक युइएफए प्लेयर अफ दि सिजनमा पर्न सफल भएका थिए ।

यसैविच, स्पेनिस क्लब रियल म्याड्रिडका इटालियन प्रशिक्षक कार्लाे एन्सेलोटी युइएफए पुरुष वर्ष प्रशिक्षक घोषित भएका छन् । युइएफए वर्ष खेलाडी महिलातर्फ स्पेन तथा बार्सिलोनाकी एलेक्सा पुटेलास तथासरिना वेइगमान वर्ष महिला प्रशिक्षक बनेकी छिन् । एरिगो साच्चीले प्रेसिडेन्ट अवार्ड जितेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.