Nepal Times
Nepal Times
3
Shares

सलमानको हत्या योजना बनाउने पण्डित पक्राउ

सलमानको हत्या योजना बनाउने पण्डित पक्राउ

२७ भदौ ,एजेन्सी ।
भारतीय चलचित्र उद्योग बलिउडका चर्चित अभिनेता सलमान खानको हत्या गर्ने धम्की आएको केही समयपछि उनको रेकी गर्ने व्यक्तिलाई प्रहरीले पक्राउ गरेको छ। गत जुन महिनामा पञ्जाबी ¥यापर तथा गायक सिद्धु मुसेवालाको हत्या भएको केही दिनपछि सलमान खानलाई मारिदिने धम्की आएको थियो।

त्यसयता भारतीय प्रहरीले उनको सुरक्षा बढाएको छ। त्यस क्रममा सलमानको रेकी गरिरहेका कपिल पण्डितलाई प्रहरीले पक्राउ गरेको समाचार एजेन्सी एएनआईले जनाएको छ। पञ्जाब प्रहरीका डीजीपी गौरव यादवका अनुसार आरोपित पण्डितले आफू सचिन विष्णोई र सन्तोष यादवसँग लरेन्स विष्णोईको निर्देशनमा सलमान खानको रेकी गर्न मुम्बई पुगेको बयान दिएका छन्। यस विषयमा अनुसन्धान भइरहेको भारतीय प्रहरीले जनाएको छ।

गत जुन ५ मा सलमान खान र उनका बुबा सलीम खानलाई मार्ने धम्कीसहितको पत्र आएको थियो। जसमा उनीहरूलाई सिद्धु मुसेवालाजस्तै बनाइने चेतावनी दिइएको थियो। यसैबीच सिद्धु मुसेवाला हत्या प्रकरणमा अहिलेसम्म ३५ जनामध्ये २३ जना पक्राउ गरिएको डीजीपी गौरव यादवले बताएका छन्। मुठभेडमा दुई अभियुक्तको मृत्यु भएको भारतीय सञ्चारमाध्यमले उल्लेख गरेका छन्।

सिद्धु मुसेवालाको पन्जाबमा उनी सवार कारमै गोली हानी हत्या गरिएको थियो । गएको जुनमा भारतीय संचारमाध्यामका अनुशार संदिग्ध व्यक्तिले सलमान खानको हत्या गर्नको लागि परिमार्जित हक्की क्यासिङमा लुकाएर सानो बोरको हतियारसहित शार्पसुटर पठाएको थियो । शार्पसुटरलाई अभिनेताको घरबाहिर लगाइएको थियो।

अपराधीहरूले कथित रूपमा सलमान खानको घरको अनुगमन गरेका थिए र पत्ता लगाएका थिए कि अभिनेता बिहान साइकल चलाउँदा सुरक्षा गार्डहरू साथमा हुन्छन् कि हुदैनन् । तर हत्या गर्न पुगेकाहरु त्याहा पुलिस देखेपछि आफ्नो योजना परिवर्तन गरी फर्किएका थिए ।एएनआईको रिपोर्टका अनुसार मुम्बई प्रहरीले सलमान खान र उनका बुबा सलीम खानलाई धम्कीपूर्ण पत्र लेख्ने जेलमा रहेका ग्याङ्स्टर लरेन्स नै भएको बताएको छ ।

लरेन्सको गिरोहका तीन जना राजस्थानको जालोरबाट मुम्बईमा चिठी छोड्न आएका थिए । पत्र छोडेपछि तीनै जनाले अभियुक्त सौरभ महाकाललाई पनि भेटेका थिए । प्रहरीका अनुसार सौरभले यो चिठी गोल्डी ब्रारमार्फत सलीम खानलाई पुर्याएका थिए । कालो हरिण शिकार प्रकरणमा लरेन्स बिश्नोईले सलमान खानलाई मार्ने षड्यन्त्र रचेको आरोप लागेको थियो ।

बिश्नोई समुदायले कालो हरिणलाई पवित्र मान्ने भएकाले त्यसको शिकार गरेको आरोपमा लरेन्सले सलमान खानलाई मार्ने धम्की दिएका थिए ।२०१८ मा लरेन्स बिश्नोईले अदालत बाहिर जोधपुरमा सलमान खानलाई मार्ने बताएका थिए।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.