९ मंसिर,काठमाण्डौ ।
स्वतन्त्र रुपमा काठमाडौं महानगरपालिका र धरान उपमहानगरपालिकाका शानदार मतका साथ मेयरमा निर्वाचित भएका बालेन्द्र शाह बालेन र हर्क साम्पाङ बीचको मनमुटाव केही महिना अघि मात्रै सामाजिक संजालमा छरपस्ट भएको थियो ।
काठमाडौं उपत्याकाको समाधान हुन् नसकेको दुर्घन्धित फोहोरलाई कटाक्षा गर्दै धरानका मेयर हर्कले ब्यक्तवाजी तथा सामाजिक संजालमा स्टाटस लेखेपछि बालेन र हर्कबीच सामाजिक संजालमै मनमुटाव बढेको थियो । तर त्यो मनमुटाव अहिले हटिसकेको देखिएको छ ।
त्यसको पहल भने काठमाडौंका मेयर बालेनले गरेका छन् । बालेनले हर्क साम्पाङको एउटा फेसबुक पोस्टलाई आफ्नो समर्थनसहित सेयर गरेका छन् । हर्कले धरानमा कोशीको पानी ल्याउने विषयमा स्टाटस लेखेका थिए । पुरानो तुष बिर्सिँदै बालेनले उनको स्टाटस सेयर गरिदिएका हुन् ।
बालेनले सेयर गरेको साम्पाङको स्टाटसमा लेखिएको छ, जो जितेर गए पनि कोशीको पानी धरानमा ल्याउने मेरो योजनालाई सहयोग गर्न भूमिका खेल्नुपर्छ । अन्यथा उहाँ धरान नआए पनि हुन्छ । साम्पाङले चुनावमा धरानको खानीपानी समस्या समाधानलाई प्रमुख मुद्दा बनाएका थिए ।
निर्वाचित भएपछि पनि उनले यसै विषयलाई प्राथमिकतामा राखेर काम गर्दै आएका छन् । केही समय अघि धरानमा आयोजित चुनावी सभामा नेकपा एमालेका अध्यक्ष केपी शर्मा ओलीले मेयर हर्कमाथि कटाक्ष गर्दै नगर कोशीको पानी धरान पुर्याउन नसक्ने र यो काम एमाले नेतृत्वको सरकारले पूरा गर्ने अभिब्यक्ति दिएपछि ओलीलाई मेयर हर्कले आउडेको संज्ञा दिएका थिए ।
