१२ मंसिर, एजेन्सी ।
अमेरिकाको मेरिल्याण्ड राज्यमा एउटा विमान बिजुलीको तारमा ठोक्किएको छ । यस घटनाका कारण त्यहाँको मोन्टगोमेरी काउन्टीका धेरै घरमा बिजुली अवरुद्ध भएको अधिकारीहरूलाई उद्धृत गर्दै वासिङ्टन पोस्टले उल्लेख गरेको छ । घटनामा कोही पनि घाइते नभएपनि ९० हजारभन्दा बढी घरमा विद्युत् अबरुद्ध बनेको थियो ।
पूरै गाउँमा अन्धकार हुदा जनजिवन र व्यवसायमा ठूलो असर परेको स्थानीय संचारमाध्यामहरुले उल्लेख गरेका छन् । यस विषयमा अनुसन्धान भइरहेको र छिट्टै स्थिति सुधार हुने अधिकारीहरूले बताएका छन्। आइतबार साँझ भएको उक्त दुर्घटनामा पाइलट र यात्रु केही घण्टासम्म हावामा झुन्डिएका थिए ।
वाशिंगटनबाट १५ माईल र बाल्टिमोरबाट लगभग ४० माईलमा यो दुर्घटना भएको हो दुर्घटनाका कारण मोन्टगोमेरी काउन्टी पावर लाइनहरू तुरुन्तै बन्द भएका थिए । स्थानीय समय अनुसार आइतबार साँझ ५.३० बजे दुर्घटना भएको हो ।
काउन्टी फायर डिपार्टमेन्टका जनसम्पर्क अधिकारी पिट प्रिन्जरले दुर्घटनाग्रस्त विमानमा सवार यात्रु र पाइलटलाई लिन पठाइएको विमान पनि अड्किएको बताएका छन् । विमान र यात्रु दुवै करिब तीन घण्टासम्म हावामा १०० फिटमा अड्किएका थिए ।
दुर्घटनापछि उद्धारका क्रममा बिजुलीको लाइनमा लाइटको करेन्ट आइरहेकाले कम्पनीलाई तत्काल स्विच अफ गर्न भनिएको थियो। प्रिन्जरले अग्नि विभागले विमानका पाइलटसँग सम्पर्क राखेको बताएका छन् ।
अधिकारीहरुले उनीहरुसँगै फसेका एक–दुई यात्रुसँग पनि कुराकानी गरेका थिए । दुर्घटनापछि करिब ९० हजार मानिस बिजुलीविहीन रहेको बताइएको छ । त्यहाँ प्राविधिक उद्धार टोलीले राहत र उद्धार कार्य गर्नु पर्ने भएपछि प्रशासनले सडक पनि बन्द गरेको थियो ।
दुर्घटना पछि प्रिन्जरको ट्विटर ह्यान्डलमा एक भिडियो पोस्ट गरिएको छ। यो भिडियोमा विमान कसरी तारमा फसेको प्रष्ट देखिन्छ । विद्युत् कटौतीका कारण ट्राफिक सिग्नल र लिफ्ट समेत बन्द भएका थिए भने केही व्यक्ति लिफ्टमै बसेका थिए ।
