१३ मंसिर,एजेन्सी ।
अमेरिकी नौसेनाले आफ्नो अति विनाशकारी क्षेप्यास्त्रले सुसज्जित आणविक पनडुब्बी तैनाथ गर्ने घोषणा गरेर फेरि विश्वलाई चकित बनाएको छ । अमेरिकाको ओहायो श्रेणीको आणविक पनडुब्बी यूएसएस वेस्ट भर्जिनिया भारतबाट केही सय नटिकल माइल टाढा हिन्द महासागरमा रहेको अमेरिकी नौसैनिक बेस डायगोगार्सियामा पुगेको खुलासा भएको छ ।
डायगोगार्सिया टापु प्राविधिक रूपमा बेलायतको कब्जामा छ तर यो अमेरिकालाई दिइएको छ। अमेरिकाको रणनीतिक कमाण्डले यो पनडुब्बीको आगमनको घोषणा गरेको छ । अमेरिकाको डियागोगार्सिया नौसेना बेस सबै प्रकारका सैन्य सुविधाले सुसज्जित छ र विगतमा अमेरिकी आणविक बमवर्षकहरू पनि यहाँ आएका थिए।
हालैका महिनाहरूमा, संयुक्त राज्य अमेरिकाले आफ्नो मिसाइल–सशस्त्र ओहायो पनडुब्बीको स्थान धेरै असामान्य तरिकामा घोषणा गरेको छ। प्रायः देशहरूले आणविक पनडुब्बीको मार्ग धेरै गोप्य राख्छन्। अमेरिकासँग ४ वटा पनडुब्बी छन् जुन मिसाइलले सुसज्जित छन् । यो घोषणा गरेर अमेरिकाले रुस, चीन र उत्तर कोरियालाई कडा सन्देश दिएको विश्लेषकहरूले बताएका छन् ।
अमेरिकी नौसेनाले पनडुब्बी गएको अक्टोबर २५ देखि अक्टोबर ३१ सम्म डायगोगार्सियामा पुगेको बताएको छ । अमेरिकाले यो पनडुब्बी सहयोगी राष्ट्रहरूको सुरक्षा र स्थिरतालाई ध्यानमा राखेर गस्तीमा जिस्किएको जनाएको छ । सो पन्डुब्बी अहिले कहाँ छ भन्ने खुलाइएको छैन् । प्रत्येक ओहायो क्लासको पनडुब्बीले २० वटासम्म ट्राइडेन्ट २ पनडुब्बी–प्रक्षेपण मिसाइलहरू बोक्न सक्छ।
ट्राइडेन्ट–२ एमआईआरभी प्रविधिले सुसज्जित छ, जसले एउटै मिसाइल आक्रमणमा धेरै लक्ष्यहरूलाई नष्ट गर्न सक्छ। यो मिसाइलले एकैपटक १४ आणविक बम बोक्न सक्छ । द ड्राइभको रिपोर्टका अनुसार यस पनडुब्बीमा केही मिसाइल भित्र परमाणु बम ध्ठट–द्द पनि तैनाथ गरिएको छ। अमेरिकाका ४ ओहायो पनडुब्बीले १५४ टोमाहक क्रुज मिसाइल बोक्न सक्छन् ।
अमेरिकी नौसेनामा यी आणविक पनडुब्बीहरूको ठूलो माग छ। यी पनडुब्बीहरूले अमेरिकी नौसेनालाई शत्रु क्षेत्रमा विशेष अपरेशनहरू सञ्चालन गर्न पनि सक्षम बनाउँछन्। यसअघि अमेरिकी नौसेनाले अरब सागरमा वेस्ट भर्जिनिया पनडुब्बी तैनाथ गर्ने खुलासा गरेको थियो । ओहायो पनडुब्बीलाई बदला लिन अमेरिकाको सबैभन्दा घातक आणविक हतियार मानिन्छ। यसलाई संसारको सबैभन्दा शक्तिशाली पनडुब्बी मध्येको एक प्रमुख मानिन्छ ।
