Nepal Times
Nepal Times
3
Shares

रामचन्द्रको राष्ट्रपति बन्ने रहर अझै मरेन !

रामचन्द्रको राष्ट्रपति बन्ने रहर अझै मरेन !

१९ पौष, काठमाण्डौ ।
नेपाली कांग्रेसका वरिष्ठ नेता रामचन्द्र पौडेल नेपाली काग्रेसबाट संसदमा १७ पटक सम्म प्रधानमन्त्रीका लागि उम्मेदवार बनेका बरिष्ठ नेता हुन् । पटक पटक मन्त्री र सभामुख समेत भइसकेका पौडेलको पछिल्लो निर्वाचन पछि प्रधानमन्त्री बन्ने नभए राष्ट्रपति बन्ने घिड्घिडो पनि तत्कालललाई टरेर गएको छ ।

निर्वाचनपछि २ दिन तत्कालीन प्रधानमन्त्री तथा पार्टी सभापति शेरबहादुर देउवा र एकै गठबन्धनमा रहेका माओवादी केन्द्रका अध्यक्षलाई भेटेर प्रधानमन्त्रीका लागि पहल गरेका पौडेलले दुवै तर्फबाट हरियो झण्डा नदेखेपछि राष्ट्रपति बन्ने अभिलासामा काग्रेसको दलको नेतामा देउवालाई नै सहयोग गर्ने निष्कर्षमा पुगे ।

तर देउवा दलको नेता निर्वाचन भएको एक दिन नवित्दै पाँच दलीय गठबन्धन भत्किएर केही घण्टाको अन्तरालमा एमाले नेतृत्वको नयाँ गठबन्धन बनेपछि पौडेलको राष्ट्रपति बन्ने योजनामा पानी फेरिएको थियो ।अहिले आएर कांग्रेसबाहेकको ७ दलीय गठबन्धनबाट प्रधानमन्त्री बनेका प्रचण्डले विश्वासको मत लिने तयारी गरिरहेका बेला पौडेलले राष्ट्रिय सहमतिको सरकारको वकालत गरेका छन् ।

पौडेलको यो अभिब्यक्तिलाई राजनीतिक विश्लेषकहरुले अझै राष्ट्रपति बन्न सकिन्छ कि भन्ने प्रयासका रुपमा विश्लेषण गरेका छन् । पौडेलले राष्ट्रिय सहमति आजको आवश्यकता भएको बताएका छन्। आज आयोजित प्रदेशसभाको आगामी कार्यभार र स्पिकर्स फोरम नेपालको दायित्व र अन्तरक्रिया कार्यक्रममा बोल्दै उनले प्राप्त उपलब्धी संस्थागत गर्न तथा संविधान जोगाउनका लागि एकसाथ जानुको विकल्प नभएको उनले बताएका हुन् ।

संविधान निर्माणपछि केही समूहहरु अस्थिरताका लागि काम गर्दै आएको भन्दै उनले सत्ताभन्दा पहिले व्यवस्थाका लागि लड्नुपर्ने बताए। संविधान जारी भएपछिको पहिलो निर्वाचनदेखि नै आफूले राजनीतिक क्रान्ति पूरा भएकाले अब आर्थिक क्रान्तिमा जानुपर्ने भन्दै आएको उनको भनाइ छ ।

नेपाली कांग्रेस र नेकपा (माओवादी केन्द्र)लगायतका दलहरुबीचको गठबन्धन भत्किँदा नेपाली कांग्रेसले सत्ता गुमाएको तर त्यसोभन्दा ठूलो अस्थिरता निम्तने खतरा बढ्छ कि भन्ने चिन्ता आफूलाई लागेको उनको भनाइ छ ।उनले वर्तमान व्यवस्था र संविधानको रक्षाका लागि सबै मिलेर राष्ट्रिय सहमति खोज्नुपर्नेमा जोड दिएका छन् ।

नेता पौडेलले नेपाली काँग्रेस र नेकपा (माओवादी केन्द्र) लगायतको विगतको गठबन्धन हाइज्याक भएको टिप्पणी गरेका छन् । उनले आफूहरुले गरेको हिसावकितावले काम नगरेको बताए । विगतमा आफूहरुका बीचमा भएको गठबन्धन टुट्नु देशको लागि दुर्भाग्य भएको बताउदै पौडेलले देशमा अस्थिरताको श्रृङ्खला अगाडी बढेको बताए ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.