२५ पौष, विराटनगर ।
विराटनगरस्थित जेनिथ इन्टरनेशनल कलेजको आसन्न वार्षिकोत्सवको पूर्वसन्ध्यामा खेलकुद सप्ताह २०७९ सुरु भएको छ । खेलकुद सप्ताहको कलेजका कार्यकारी अध्यक्ष प्रा. डा. दुर्गानन्द चौधरी र कलेजकै वरिष्ठ प्राध्यापक प्रा. डा. नन्दलाल साहले ब्याडमिन्टन खेल खेलेर शुभारम्भ गरेका छन् ।
कलेज परिसरमा हुने खेलकुद सप्ताहमा विद्यार्थीहरु बीच ब्याडमिन्टन, चेस, भलिबल, क्रिकेट, टेबल टेनिस लगायतका खेल प्रतियोगिताहरु आयोजना गरिने क्याम्पस प्रशासनले जनाएको छ । खेलकुद सप्ताहमा विजयी हुनेहरुलाई वार्षिकोत्सवका दिन पुरस्कृत गरिने क्याम्पस प्रमुख सन्दिपदास श्रेष्ठले जानकारी दिएका छन् ।
