८ माघ,एजेन्सी ।
टर्की र स्वीडेनबीचको नेटो सदस्यता विवाद विरोध प्रदर्शनदेखि कुरान जलाउनेसम्म पुगेको छ। टर्कीले स्वीडेनको राजधानी स्टकहोममा रहेको दूतावास अगाडि विरोध प्रदर्शनका क्रममा दक्षिणपन्थी समूहले कुरान जलाएको निन्दा गरेको छ। अब पाकिस्तान पनि स्विडेनको बिरुद्धमा आएको छ ।
स्वीडेनमा पवित्र कुरानको अपमानको निन्दा गर्दै पाकिस्तानले “इस्लामफोबियाको यो मूर्खतापूर्ण र उत्तेजक कार्यले विश्वभरका १.५ अरब भन्दा बढी मुस्लिमहरूको धार्मिक संवेदनामा चोट पु¥याएको बताएको छ । पाकिस्तानको विदेश कार्यालयले एक विज्ञप्तिमा भनेको छ, “यस्तो कार्यलाई अभिव्यक्ति स्वतन्त्रताको अधिकार अन्तर्गत समेट्न सकिँदैन।“
इस्लाम शान्तिको धर्म हो र पाकिस्तानलगायत विश्वका मुस्लिमहरू सबै धर्मको सम्मानमा विश्वास गर्छन्। सबैले अर्काको धर्मको सम्मान गर्नुपर्छ । इस्लामोफोबिया र असहिष्णुता विरुद्ध सहअस्तित्व प्रवर्द्धन गर्न पाकिस्तानले विश्वलाई सँगै काम गर्न आग्रह गरेको छ।
प्रदर्शनकारीहरूले स्टकहोममा टर्की दूतावास अगाडि कुरानको प्रतिलिपि जलाएका थिए । टर्कीको विदेश मन्त्रालयले पनि यसको निन्दा गरेको छ । वास्तवमा रुसले युक्रेनमा आक्रमण गरेपछि युरोपका गैर–नेटो देशहरूमा चिन्ता छ। त्यसमध्ये स्वीडेन पनि एक हो । युक्रेन आक्रमणपछि स्वीडेनले नेटोमा सामेल हुन आवेदन दियो छ।
तर सबै सदस्य सहमत भएमा मात्र एक सदस्य नेटोमा सामेल हुन सक्छ। टर्कीले नेटोमा स्वीडेनको प्रवेशको विरोध जारी राखेको छ। स्वीडेनका दक्षिणपन्थी समूहहरूले टर्कीको विरोधमा लगातार प्रदर्शन गरिरहेका छन्। यी प्रदर्शनहरू टर्की दूतावास अगाडि भइरहेको छ। कुरानको प्रतिलिपि जलाइएको घटनाप्रति कडा असन्तुष्टि व्यक्त गर्दै टर्कीले रक्षामन्त्रीको अंकाराको प्रस्तावित भ्रमण एकतर्फी रूपमा रद्द गरेको छ ।
टर्कीका रक्षामन्त्री हुलुसी अकेरले स्वीडेनका रक्षामन्त्री पाल जोन्सनको आगामी जनवरी २७ मा अङ्काराको प्रस्तावित भ्रमण अब हुने छैन। स्वीडेनका धेरै ठाउँमा विरोध प्रदर्शनको तयारी भइरहेको छ । डेनमार्कका अति दक्षिणपन्थी समूहहरूलाई प्रहरीले स्टकहोममा रहेको टर्की दूतावास अगाडि प्रदर्शन गर्न अनुमति दिएको छ।
यसैबीच, टर्की र कुर्द समर्थकहरूले पनि स्विडेनको राजधानीमा प्रदर्शन गर्ने योजना बनाएका छन्। यस्तो अवस्थामा स्वीडेनमा तनाव बढ्ने सम्भावना छ । तनाव बढ्दै गएपछि स्वीडेनले राजधानी स्टकहोममा ठूलो मात्रामा प्रहरी तैनाथ गरेको छ । टर्की स्विडेन नेटोमा सामेल हुनको विपक्षमा छ। जसका कारण स्टकहोममा विरोध प्रदर्शन भइरहेको छ ।
