१९ फागुन, एजेन्सी ।
आर्थिक संकट र डिफल्ट हुने खतराको बीचमा गहँु र रोटीका लागि लडिरहेका पाकिस्तानका जनताका लागि खुसीको खबर आएको छ। युक्रेनमाथि आक्रमण गरिरहेको भन्दै अमेरिकासहित अधिकांश पश्चिमाको प्रतिबन्ध खेपिरहेको रुसले भोका पाकिस्तानीको पेट भर्ने भएको छ ।
पाकिस्तानको सहयोगको याचना पछि रुसी राष्ट्रपति भ्लादिमिर पुटिन अन्नदाता बनेका छन् । पाकिस्तानको आग्रहपछि रुसबाट गहुँको पहिलो खेप ग्वादर बन्दरगाह पुगेको छ । कार्गो जहाज एमभी लीला चेन्नई ५० हजार टन गहुँ लिएर पाकिस्तान पुगेको पाकिस्तानी संचारमाध्यामहरुले उल्लेख गरेका छन् ।
त्यस्ता नौ जहाजमा रुसबाट गहुँको खेप पाकिस्तान पुग्ने छ । अहिले पाकिस्तानमा मुद्रास्फीति ५० वर्षको चरम सीमामा पुगेको छ र पीठोको मूल्य प्रतिकिलो १३० रुपैयाँ पुगेको छ । त्यो पनि जब पाकिस्तान सरकारले यसको मूल्य प्रतिकिलो १०५ रुपैयाँ राखेको छ ।
पाकिस्तानमा पीठोको विरोध भएपछि शाहबाज सरिफ सरकारले गहुँका लागि रुसलाई अपिल गरेको थियो । त्यसपछि दुई देशबीच गहुँ आपूर्तिका लागि सम्झौता भएको थियो । यस अन्तर्गत पाकिस्तानले रुसबाट कुल ४ लाख ५० हजार मेट्रिक टन गहुँ खरिद गर्ने जियो न्यूजले जनाएको छ ।यो गहुँ रुसबाट कुल ९ जहाजको सहयोगमा पाकिस्तान ल्याइनेछ ।
युक्रेन युद्धपछि गहुँको चरम अभावको सामना गरिरहेको पाकिस्तानलाई रुसी गहुँ पठाउनु ठूलो राहतको रूपमा आएको हो । विश्वमा खाद्य संकट भइरहेका बेला रुसले पाकिस्तानलाई गहुँ आपूर्ति गरेको हो । यो सँगै पाकिस्तानले युद्धको बीचमा युक्रेनलाई बम आपूर्ति गरेर रुसलाई ठूलो झट्का दिएको छ ।
यसपछि पनि रुसी राष्ट्रपतिले पाकिस्तानप्रति उदारता देखाउँदै गहुँ आपूर्ति गरेका छन् । एकातिर पाकिस्तानले युक्रेनलाई बम बेचेर डलर कमाउदै छ, अर्कोतिर रुसबाट पाकिस्तानी जनतालाई खुवाउने गरेको छ ।पाकिस्तानको बजारमा गहुँको मौज्दात निकै कम भएको छ र जनता पीठोको लागि तृष्णा गरिरहेका छन् ।पाकिस्तानी विज्ञहरूले गहुँको आपूर्तिमा सुधार नभए पीठोको मूल्य अझै बढ्न सक्ने चेतावनी दिएका छन् ।
यसैबीच, पाकिस्तानले आफ्नो ध्वस्त अर्थतन्त्रलाई स्थिर गर्न ऋण कार्यक्रम पुनः सुरु गर्न हताश भएर अर्को आर्थिक वर्षमा उपभोक्ताहरूमा विद्युत अधिभार लगाउन अन्तर्राष्ट्रिय मुद्रा कोषको मागमा सहमत भएको छ। पाकिस्तानी अधिकारीहरू आईएमएफको ’बदल्ने गोलपोस्टहरू’ देखेर हैरान छन् किनभने देशले ऋणदातालाई लुकाउने प्रयास गरिरहेको छ ।
