Nepal Times
Nepal Times
3
Shares

बंगलादेशको रोहिंग्या शरणार्थी शिविरमा भीषण आगलागी

बंगलादेशको रोहिंग्या शरणार्थी शिविरमा भीषण आगलागी

२२ फागुन, एजेन्सी ।
दक्षिणपूर्वी बंगलादेशमा रहेको रोहिंग्या शरणार्थी शिविरमा भीषण आगलागी हुँदा हजारौं मानिसले आफ्नो छानो गुमाएका छन् । आइतबारदेखि सुरु भएको यो आगलागीको चपेटामा अहिलेसम्म कक्स बजार शिविरका २ हजारभन्दा बढी आश्रयस्थल पुगेका छन् ।

छिमेकी म्यानमारमा हिंसाबाट भागेका करिब १२,००० मानिस अहिले घरवारविहीन भएको अनुमान गरिएको छ । आगलागीको कारण भने हालसम्म खुल्न सकेको छैन र मानवीय क्षति भने भएको छैन । आगलागीले केही बेरमा बाँस वा तारपालले बनेका आश्रय गृहलाई आगो लगाएको थियो ।

बंगलादेशका शरणार्थी आयुक्त मिजानुर रहमानले एएफपी समाचार एजेन्सीलाई बताए अनुसार लगभग २,००० आश्रयस्थलहरू जलेको आशंका गरिएको छ र १२,००० म्यान्मार घरबारविहीन भएका छन् । तीन घण्टामा आगो नियन्त्रणमा लिइएपनि यस अवधिमा कम्तीमा ३५ मस्जिद र आश्रयस्थल ध्वस्त भएको उनले बताएका छन् ।

यसअघि शनिबार दक्षिणपूर्वी बन्दरगाह सहर चटगाउँबाट ४० किलोमिटर टाढा रहेको सीताकुण्डको अक्सिजन प्लान्टमा विस्फोट हुँदा कम्तीमा ६ जनाको मृत्यु भएको थियो ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.