एजेन्सी,भदौ १६
आफ्ना क्रूर महत्वाकांक्षा तथा अहंकारी इच्छाहरु पूरा गर्नका लागि विश्वका इतिहास धेरै खूनी शासकहरुले केही बाँकी राखेनन् ।इच्छाहरु पूरा गर्ने बहानामा ती शासकका तरबारबाट धेरै निर्दोष मानिसका घाँटी छिनिएका छन् । यस्तैमध्येका एक तानाशाह हुन् व्लेड रोमानियन साम्राज्यका राजा व्लेड ड्राकुला ।
ओटोमन साम्राज्य तथा टर्की साम्राज्यसँगको युद्धमा उनले ठूलो संख्यामा महिला तथा बालबालिकाको बर्बरतापूर्वक हत्या गरको इतिहास छ ।उनको डरलाग्दो अनुहार, ठूला ठूला दाँत साँच्चीकै मानिसको रगत पिउने राक्षस जस्ता । उनको साम्राज्यका मानिस तथा अन्य साम्राज्यका शासकहरु पनि उनको नामदेखि डराउँथे ।
उनलाई मानिसको रगतप्रति अचम्मको आशक्ति थियो । उनी मानिसहरुलाई खुल्ला ठाउँमा सुत्न लगाएर त्यसमाथि घोडा दौडाई मानिसहरुको हत्या गर्दथे र रगतको खोला बगाएर मज्जा लिन्थे । हरेक बेलुका मानिसको रगत नबगाएसम्म उनलाई रातमा निद्रा नलाग्ने इतिहासमा पढ्न पाइन्छ ।
द इम्पलरको नामबाट समेत चर्चित ती शासकलाई विश्वका सबैभन्दा ठूला हत्यारा पनि भनिन्छ । उनले भ्यालेन्सिया राज्यका झण्डै एक लाख मानिसलाई यातना दिएर मारेका थिए ।सन् १४७६ मा यी तानाशाहको मृत्यु भए पछि उनको मृत्युको खुसीमा सर्वसाधारणहरुले ठूलो उत्सव मनाए ।
