८ जेठ, एजेन्सी ।
युरोपेली देश जर्जियाको राष्ट्रिय वायुसेवा कम्पनी जर्जियन एयरवेजले आफ्नै राष्ट्रपतिको उडानमा प्रतिबन्ध लगाएको छ । यो प्रतिबन्ध जर्जियन एयरवेजका संस्थापक तामाज गाइशभिलीले लगाएका हुन् । जर्जियाकी राष्ट्रपति सलोमे जोराबिचभिलीले भनेकी थिइन कि यदि एयरलाइन्सले रसियाको लागि उडानहरू पुनः सुरु गरेमा उसले बहिष्कार गर्नेछिन् ।
उनी युक्रेन युद्धपछि रुसको विपक्षमा उभिदै आएकी छन् । रुसले यो महिना जर्जियासँगको सिधा उडानमा लागेको चार वर्षको प्रतिबन्ध हटाउने घोषणा गरेको थियो। योसँगै जर्जियालीहरूका लागि रुस भ्रमणका लागि दशकौं पुरानो भिसा आवश्यकता पनि खारेज भएको छ ।
राष्ट्रपति सलोमे जोराबिचभिलीले जर्जियाली अधिकारीहरूलाई रुसी प्रस्ताव स्वीकार नगर्न आदेश दिएकी थिइन । उनले भनेकी थिइन कि जर्जियाका जनता रुसको प्रभावमा पर्नु हुँदैन, यद्यपि उनको अपीललाई बेवास्ता गरिएको छ । निजी स्वामित्वको जर्जियन एयरवेजका संस्थापक, तामाज गाइशभिलीले आइतबार रूसी समाचार एजेन्सी तासलाई भने कि जोराबिचभिली अब अस्वीकार्य ब्यक्ति भएकी छन् ।
उनले जर्जियाली जनतासँग माफी नमागेसम्म प्रतिबन्ध कायम रहने बताएका छन् । जर्जियाका अधिकारीहरूले रुसबाट सिधा उडानहरू पुनः सुरु गरेकोमा स्वागत गरेका छन्। यद्यपि, केही ईयू समर्थक जर्जियनहरूले पनि आइतबार मध्य टिबिलिसीमा यसको विरोधमा प्रदर्शन गरेका थिए। जर्जियाको एक पक्षले रूससँगको कुनै पनि सम्बन्धको विरोध गर्दछ।
यसका मिलिसियाहरूले अब्खाजिया र दक्षिण ओसेशियाका भागहरू नियन्त्रण गर्छन्, जुन देशको क्षेत्रको पाँचौं भाग हो। यद्यपि, अन्य जर्जियनहरू रूस समर्थक छन्, मस्कोसँग सम्बन्ध सुधार गर्न आफ्नो सरकारको प्रयासलाई समर्थन गर्दै आएका छन् । यही कारणले जर्जियाले युक्रेन युद्धलाई लिएर रुसमाथि प्रतिबन्ध लगाउन अस्वीकार गरेको छ ।
जर्जियामा राष्ट्रपति जोराबिचभिलीको पद धेरै हदसम्म औपचारिक छ। जोराबिचभिली एक रुस विरोधी र युरोप समर्थक नेता मानिन्छिन् । जर्जिया सरकारसँग उनको सम्बन्ध तनावपूर्ण छ। उनले रुससँगको गहिरो सम्बन्धले एक दिन देशको ईयू सम्भावनालाई खतरामा पार्न सक्ने चेतावनी दिएकी छन् । यद्यपि, एयरलाइनको प्रतिबन्धको बारेमा जोराबिचभिलीबाट कुनै आधिकारिक बयान आएको छैन।