Nepal Times
Nepal Times
3
Shares

आदिपुरुषका लेखकले नेपालमाथि धावा बोले

आदिपुरुषका लेखकले नेपालमाथि धावा बोले

३ असार, एजेन्सी ।
नेपालमा मात्रै होइन भारतमा समेत राम,हनुमान र सीताको चरित्रलाई लिएर विवादित बनेको भारतीय चलचित्र आदिपुरुषका पटकथा लेखक मनोज मुंतशिरले नेपालको राष्ट्रियतामाथि खुल्ला रुपमा धावा बोल्दै आफ्नो अज्ञानता प्रस्तुत गर्दै विवादित बयान दिएका छन् । ‘सीता भारतकी बेटी’ डायलग नहटाएसम्म नेपालमा कुनैपनि हिन्दी फिल्म प्रदर्शन हुन नदिने अडानकाबीच उनले नेपाल भारतको हिस्सा रहेको बताएका हुन् ।

उनले आजतकसँगको अन्तरवार्तामा भनेका छन्, ‘नेपालको विरोध किन हो म सम्झिरहेको छैन । फिल्ममा देखाइएको कथावस्तु जहिलेको हो त्यो बेला नेपाल भारतको हिस्सा थियो । सन् १९०३ या ४ को कुरा हो नेपाल भारतबाट अलग भएको थियो ।’ उनले अन्तरवार्ताका क्रममा भनेका छन्, ‘नेपालका विरोध मे समझ नहीँ पाया ।

जबकि कहानी हे नेपाल भारतका अंश हुवा कर्ता था । तब हम भारतकी बेटी कहेंते हे सीताको तो नेपाल कौन्सा भारतसे अलग था । नेपाल तो भी १९०३ या ४ की बात जब नेपाल भारत से अलग हुवा हे । नेपाल वाज भेरि मच इन्डिया । तो उस सहिसाब से भारतकी बेटी थि सीता ।’ यसको अर्थ हुन्छ । नेपालले विरोध किन गरिरहेको छ सम्झिरहेको छैन ।

फिल्ममा देखाइएको कथावस्तु जहिलेको हो । त्यो बेला नेपाल पनि भारतको हिस्सा थियो । सन् १९०३ या ४ को कुरा हो नेपाल भारतबाट अलग भएको थियो । त्यही कारण सीता भारतकी बेटी थिइन् । एक कुरा के भने उनीहरू आज पनि हाम्रो भाइ हुन् । हामी नै हुन । म नेपालका जनताहरूलाई आफूभन्दा अलग मान्दिन ।

अनि राष्ट्रका हिसाबले आज पनि भारत र नेपाल अलग छैनन् । हुन सक्छ देशका हिसाबले अलग हुन् । हुन सक्छ सीमानामा हिसाबले अलग हुन् । उनले चलचित्रमा भएको गलत संवाद सुधार गर्ने र माफी माग्ने भन्दा पनि आफलूसँग नेपाली पक्षले संवाद गरे आफू सम्झाउन प्रयत्न गर्ने उनले बताएका छन् । नेपालमा चलचित्र विकास बोर्डले भने चलचित्रमा भएको संवाल हटाएर प्रर्दशनको अनुमति दिएको छ ।

कामठाडौं महानगरपालिकाका मेयर बालेन शाहले भने सरकारलाई पत्र लेखेर यो संवाद तत्काल हटाउन कुटनैतिक पहल गनुपर्ने बताएका छन् । शुक्रबार सरकारलाई पत्र लेख्दै मेयर शाहले दक्षिण भारतीय चलचित्र आदिपुरुषमा समावेश भएको ‘जानकी भारतीय छोरी हुन्’ भन्ने आपत्तिजनक संवाद चलचित्रबाटै हटाउन कूटनीतिक पहल थाल्न सरकारको ध्यानाकर्षण गराएका हुन् ।

सञ्चार तथा सूचना प्रविधि मन्त्रालयलाई पत्र लेख्दै बालेनले भनेका छन्, “काठमाडौं महानगरपालिका क्षेत्रभित्र राष्ट्रहित विपरीतको चलचित्रको प्रदर्शनलाई निषेध गरेर मात्रै देशभित्रका अन्य क्षेत्र र विदेशमा सो चलचित्र प्रदर्शन हुन दिने हो भने त्यसले भ्रामक तथ्य स्थापित गर्ने भएकाले नेपाल सरकारले छिमेकी मित्र राष्ट्र भारतसँग कूटनीतिक पहल गरी उक्त चलचित्रको आपत्तिजनक अंश हटाउने व्यवस्था मिलाउन अनुरोध गरिन्छ ।

साथै उक्त चलचित्रबाट आपत्तिजनक अंश नहटाएसम्म नेपालमा कुनै पनि भारतीय चलचित्र प्रदर्शन गर्न निषेध गराउने व्यवस्था गर्नसमेत अनुरोध गरिन्छ ।” यो विषय शुक्रबार संसदमा पनि उठेको छ । प्रतिनिधिसभा सदस्य असिम शाहले परराष्ट्रमन्त्री र सञ्चारमन्त्रीले यो घटनालाई गम्भीर रुपमा लिनुपर्ने बताउँदै सरकारको ध्यानाकर्षण गराएका छन् । उक्त फिल्मको सेन्सर बुधबार साँझ भएको थियो भने सेन्सर बोर्डले उक्त संवाद काटेर रिलिज अनुमति दिएको सेन्सर बोर्ड सदस्य ऋषिराज आचार्यले बताएका थिए ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.