१७ साउन, एजेन्सी ।
छिमेकी राष्ट्र चीनको राजधानी बेइजिङमा विगत १४० वर्ष यताकै सर्वाधिक वर्षा भएको छ । गत शनिबारदेखि लगातार परेको वर्षाले जताततै बाढी र डुबान भएको छ। अन्तराष्ट्रिय संचार माध्यामहरुका अनुसार चिनियाँ मौसमविद्हरूले गत शनिबारदेखि बुधबार बिहानसम्म बेइजिङ र आसपासका क्षेत्रमा ७४४.८ मिलिमिटर वर्षा भएको बताएका छन्।
१४० वर्षअघि बेइजिङमा वर्षाको मापन गर्न थालिएको थियो। अहिलेसम्मको रेकर्डमा लगातार पाँच दिनमा यति धेरै पानी कहिल्यै पनि परेको थिएन। डोक्सुरी टाइफुनका कारण पछिल्ला दिनमा बेइजिङमा भारी वर्षा भएको हो। भारी वर्षा र डुबानका कारण कम्तीका २० जनाको मृत्यु भएको छ भने २७ जना बेपत्ता भएका छन्। हजारौं मानिस विस्थापित भएका छन्।
विमानस्थल , सडक र रेल वे मा पनि बाढी पसेको भिडिओहरू सामाजिक सञ्जालमा भाइरल भइरहेका छन्। सरकारी टेलिभिजन ‘सीसीटीभी’का अनुशार भारी वर्षाका कारण रेलवे स्टेशनहरू बन्द गर्नुपरेको छ । यससँगै अलपत्र परेका रेल यात्रुहरूलाई तत्कालका लागि विद्यालयमा राखिएको छ। साथै, उनीहरूलाई सामग्री पु¥याउन सैन्य हेलिकप्टरहरू तैनाथ गरिएको छ।
चिनियाँ सरकारी सञ्चारमाध्यम ग्लोबल टाइम्सका अनुसार बाढीको पानीले मानिसको घर भरिएको छ र हजारौं मानिस प्रभावित भएका छन् । रिपोर्टका अनुसार बेइजिङ र आसपासका क्षेत्रमा शनिबारदेखि भारी वर्षाकरिब ४० घण्टासम्म चलेको थियो। अविरल वर्षाका कारण अवस्था निकै नाजुक बनेको छ ।
राजधानी बेइजिङमा सडकहरु खोला जस्तै देखिन थालेका छन् । बेइजिङको फाङ्शान र मेन्टौगाउमन तीनवटा रेलहरू बाटोमै अड्किएका छन् । यससँगै कतिपय ठाउँमा मुख्य सडक पानीले बगाएको छ । भारी वर्षाका कारण बेइजिङ र छिमेकी हेबेई प्रान्त रेड अलर्टमा राखिएको छ ।
