Nepal Times
Nepal Times
3
Shares

जन्मदिनमा सन्दीप बने म्यान अफ द म्याच

जन्मदिनमा सन्दीप बने म्यान अफ द म्याच

१८ साउन, एजेन्सी ।
क्यानडामा जारी फ्रेन्चाइज क्रिकेट प्रतियोगिता ‘ग्लोबल टीट्वान्टी क्यानडा’ मा नेपालका स्पिनर सन्दीप लामिछानेले उत्कृष्ट प्रदर्शन गरेपछि नेपाल क्रिकेट संघ (क्यान) ले उनलाई बधाई दिएको छ ।

सन्दीपको उत्कृष्ट प्रदर्शनसँगै उनको टोली सरे जग्वार्सले आफ्नो पछिल्लो खेलमा मिसिसाउगा प्यान्थर्सलाई आठ विकेटको फराकिलो अन्तरले हराएको थियो । सन्दीपले निकै किफायती बलिङ गर्दै चार ओभरमा केवल ६ रन खर्चिएर तीन विकेट लिए ।

सोही योगदानका कारण उक्त खेलमा सन्दीप म्यान अफ दी म्याच पनि घोषित भएका थिए । उत्कृष्ट प्रदर्शनका लागि क्यानले बिहीबार सन्दीपलाई सामाजिक सञ्जाल फेसबुक र ट्वीटरमार्फत बधाई दिएको हो ।

‘उत्कृष्ट प्रदर्शनका लागि सन्दीप लामिछानेलाई बधाई छ । उनले मिसिसाउगा प्यान्थर्सविरुद्धको खेलमा आफ्नो टोली सरे जग्वार्सका लागि चार ओभरमा केवल ६ रन खर्चिएर तीन विकेट लिएका छन् ।

उनले आफ्नो टोलीलाई आठ विकेटले जिताएका छन् भने म्यान अफ द म्याच अवार्डको पुरस्कार पनि पाएका छन्,’ सन्दीपलाई बधाइ दिँदै क्यानले भनेको छ ।आफ्नो २३ औं जन्मदिन मनाईरहेका लामिछानेले ग्लोबल टी–ट्वान्टी क्यानडामा म्यान अफ द म्याच अवार्ड जितेका हुन् । जारी सिजनमा सन्दीपले चौथो पटक अवार्ड जितेका हुन् ।

म्यान अफ द म्याच अवार्ड भने सन्दीपले पहिलो पटक जितेका हुन् । सन्दीपले यस अघि तीन खेलमा ५ सय डलर पुरस्कार राशी भएको मोमेन्ट अफ द म्याच अवार्ड जितेका थिए । सन्दीपले म्यान अफ द म्याच अवार्ड वापत १ लाख ३२ हजार नेपाली रुपैयाँ पाउनेछन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.