Nepal Times
Nepal Times
3
Shares

क्यानडाका प्रधानमन्त्रीको हृदयस्पर्शी प्रेम कथा देखि ‘डिभोर्स’ सम्मको यात्रा….

क्यानडाका प्रधानमन्त्रीको हृदयस्पर्शी प्रेम कथा  देखि ‘डिभोर्स’ सम्मको यात्रा….

१८ साउन, एजेन्सी ।
क्यानडाका प्रधानमन्त्री जस्टिन ट्रुडो र उनकी पत्नी सोफी ग्रेगोयरले १८ वर्ष लामो वैवाहिक सम्बन्धलाई टुंग्याएका छन्। ५१ वर्षीय ट्रुडो र ४८ वर्षकी सोफीले सन् २००५ मा विवाह गरेका थिए। ‘धेरै अर्थपूर्ण र कठिन कुराकानी गरेपछि सोफी र म तपाईंहरूलाई भन्न चाहन्छौं, हामीले छुट्टिने निर्णय ग¥यौं,’ प्रधानमन्त्री ट्रुडोले आफ्नो इन्स्टाग्राममा लेखेका छन्।

‘एकअर्कालाई सम्मान, मायाका साथ सधैंझैं परिवारसरह रहने छौं ।’ सोफीले पनि यस्तै स्टाटस आफ्नो इन्स्टाग्राममा राखेकी छन्। ट्रुडो सन् २०१५ मा ४३ वर्षको उमेरमा क्यानडाको प्रधानमन्त्री बनेका थिए। अन्तराष्ट्रिय संचारमाध्यामहरुका अनुशार उनीहरूको वैवाहिक सम्बन्ध केही वर्षदेखि नाजुक अवस्थाबाट गुज्रिरहेको थियो। ट्रुडो र सोफीका तीन सन्तान छन्।

छुट्टिएपछि सोफी ओटावामा छुट्टै ठाउँ बस्ने छिन् तर छोराछोरीका लागि उनले प्रधानमन्त्रीको सरकारी निवासमा पनि केही समय बिताउने बताइएको छ। क्यानडाको प्रधानमन्त्री कार्यालयका अनुसार उनीहरुले छोडपत्रमा हस्ताक्षर गरिसकेका छन् । यद्यपि दुवै सार्वजनिक कार्यक्रमहरुमा देखिने छन् । विगतमा भने उनीहरु सँगै सार्वजनिक कार्यक्रममा कम देखिएका थिए ।

ट्रुडोले आफूहरुको र बच्चाहरुको गोपनीयताको सम्मान गर्न सबैलाई अनुरोधसमेत गरेका छन् । सन् १९७७ मा क्यानडाको प्रधानमन्त्री भएका बेला उनका बुवा पिएरे ट्रुडोको पनि पत्नी मार्गेटसँग सम्बन्धविच्छेद भएको थियो। सोफी मनोरञ्जन पत्रकार र योग शिक्षक पनि थिइन्। उनी प्रायः महिला अधिकार र मानसिक स्वास्थ्य समस्याहरूको लागि वकालत गर्दै आएकी छिन्।

जस्टिन ट्रुडो क्यानडाका पूर्व प्रधानमन्त्री पियरेका छोरा हुन् । प्रधानमन्त्री हुनुअघि उनी भ्यानकुभरमा शिक्षक थिए । सन् २००२ मा सोफीसँग भेट भएको थियो तर दुवैले एकअर्कालाई बाल्यकालदेखि नै चिनेका थिए । जस्टिन र सोफी एकअर्कालाई बच्चादेखि नै चिन्थे। वास्तवमा सोफी ट्रुडोका भाइ माइकलसँग कक्षामा पढ्थिन् । जसका कारण उनी प्राय ट्रुडोको घरमा आउने गर्दथिन् ।

जस्टिन सोफीलाई मन पराउँथे, तर दुवैको उमेरमा चार वर्षको अन्तर थियो। यस्तो अवस्थामा दुवैले रोमान्स र विवाहको बारेमा सोचेका थिएनन् । त्यसपछि दुवैको भेट एक परोपकारी कार्यक्रममा भयो र त्यसपछि दुवैले अगाडि बढ्ने सोचेका थिए । सोफीले वुमन अन फ्रान्सलाई दिएको एक अन्तर्वार्तामा भनिन् कि उनले जस्टिनलाई बिर्सेकी थिइन् तर एक दिन अचानक पत्रिकामा उनको ठूलो तस्बिर आयो ।

त्यसपछि उनले जस्टिनसँग मात्रै विवाह गर्ने निर्णय गरिन् । त्यसपछि जब एक परोपकारी कार्यक्रममा यी दुईको भेट भयो, तिनीहरू दुवैले प्रेम सम्बन्ध भएको महसुस गरेका थिए । घटनाको भोलिपल्ट, सोफीले जस्टिनलाई इ–मेल गर्छिन तर उनले इ–मेललाई बेवास्ता गर्दिछन् ।

तीन महिना पछि जस्टिन र सोफी सडकमा हिंड्दा हिड्दै भेट हुन्छ । त्यसपछि जस्टिनले सोफीसँग इ–मेलको जवाफ नदिएकोमा माफी माग्छन् र उनको फोन नम्बर लिन्छन् ।उनीहरुको २००५ मा विवाह हुन्छ । उनीहरुका १६ वर्षका जेभियर १४ वर्षकी एला र ९ वर्षका हैडियन गरी तीन सन्तान रहेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.