Nepal Times
Nepal Times
3
Shares

इराकी मौरीपालक किसानको कथा

इराकी मौरीपालक किसानको कथा

२३ साउन,एजेन्सी ।
इराकमा मौरीपालक इराकी किसानहरूको पेशा संकटमा पर्न थालेको छ । जलवायु परिवर्तनका कारण तापक्रममा भैरहेको वृद्धि, रोग र लामो समय खडेरी पर्न थालेपछि किसानहरु संकटमा पर्न थालेका हुन् । यद्यपि बढिरहेको चुनौतीहरूको बाबजुद पनि किसानहरु मौरीपालनमा लागिरहन इच्छुक पनि छन्।

प्राचीन कालदेखि इराकका धेरै किसानहरू मौरीपालन र मह उत्पादनको पेशा अँगाल्दै आइरहेका छन् । सलाउदिन प्रान्तका ५० वर्षीय कृषक अली लफ्ताका अनुसार पर्याप्त पानी नहुँदा र मौरीलाई सन्तुष्ट राख्न पर्याप्त फूल फुल्ने बिरुवा नहुँदा किसानहरू आफ्नो पेशा बचाउन संघर्ष गरिरहेका छन् ।

धेरै कठिनाइका बाबजुद पनि आफुले मह उत्पादन गरिरहेको उनले समाचार संस्था सिन्ह्वालाई बताएका छन् । उनी भन्छन् हरेक दिन एक चम्चा महले स्वस्थ जीवनको ग्यारेन्टी दिन्छ । बगदादबाट करिब ८० किलोमिटर उत्तरमा रहेको धुलुइयाह क्षेत्रमा रहेको पशु स्वास्थ्य क्लिनिकका निर्देशक डा. घलेब अल–जुबरीले मौरीहरुलाई गर्मीको समयमा धेरै रोग लाग्ने घाउ हुने बताउँछन ।

मध्यपूर्व क्षेत्रमा छालाको संक्रमणको उपचारका लागि मह प्रयोग गर्ने गरिन्छ। सुमेरियन युगको मानिएको माटोले लेखिएको शिलालेखमा हजारौं वर्षदेखि यस क्षेत्रमा माहुरीपालन व्यवसाय रहेको उनले बताएका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.