२९ भदौ, एजेन्सी ।
श्रीलंकामा एसिया कपका खेल जारी रहेको अवस्थामा क्रिकेटको एक दिवसीय विश्व वरीयता सार्वजनिक गरिएको छ । जसमा विश्व नम्बर एक रहेको पाकिस्तान तेस्रो स्थानमा पुगेको छ । एसिया कपमा भारत र श्रीलंकाको हारपछि प्रतियोगिताबाटै बाहिरिएको पाकिस्तानलाई भारतले समेत पछि पारेको छ ।
हाल अस्ट्रेलिया एकदिवसीय वरीयताको शीर्ष स्थानमा पुगेको छ। दक्षिण अफ्रिकासँग खेलेको पछिल्ला तीन मध्ये दुई खेल जितेसँगै अस्ट्रेलिया शीर्ष स्थानमा पुगेको हो। यता भारत दोस्रो स्थानमा छ। एसिया कप २०२३ अन्तर्गत आज बंगालदेशलाई भारतले हराए तथा आजै दक्षिण अफ्रिकाले अस्ट्रेलियालाई पराजित गरे भारत वरीयताको शीर्ष स्थानमा पुग्नेछ।
एसिया कपपछि भारत र अस्ट्रेलियाबीच तीन खेलको एकदवसीय सिरिज हुनेछ। यो सिरिजले पनि विश्वकपअघि शीर्ष स्थानमा रहने टिमको टुंगो लगाउने छ । भारतमा हुने एकदिवसीय क्रिकेट विश्वकपअघि विश्व वरीयता भारत वा अस्ट्रेलिया पुग्ने देखिएको छ। यता पाकिस्तान तेस्रो स्थानमा झरेको छ।
एसिया कपको सुपर फोरमा श्रीलंका र भारतसँग पराजित भएसँगै पाकिस्तानको वरीयता खस्किएको हो। एसिया कपअघि पाकिस्तान विश्व वरीयताको शीर्ष स्थानमा थियो। पाकिस्तानको भने विश्वकपअघि कुनै आधिकारीक एकदिवसीय खेल छैन।
त्यसैले पाकिस्तान विश्वकपअघि नम्बर एकमा फर्कने सम्भावना देखिदैन । यता वरीयतामा नेपाल भने १५औं स्थानमा छ। नेपालको वरीयतामा कुनै परिवर्तन भएको छैन। नेपालले एसिया कपमा भारत र पाकिस्तानसँग खेलेको थियो। यद्यपी नेपालले दुवै खेलमा हार ब्यहोरेको थियो।
एकदिवसीय विश्व वरीयताको सूची यस्तो छ :
१ अस्ट्रेलिया
२ भारत
३ पाकिस्तान
४ इंग्ल्याण्ड
५ न्यूजिल्याण्ड
६ दक्षिण अफ्रिका
७ श्रीलंका
८ बंगलादेश
९ अफगानिस्तान
१० वेस्ट इन्डिज
११ जिम्बाब्वे
१२ स्कटल्याण्ड
१३ आयरल्याण्ड
१४ नेदरल्याण्ड्स
१५ नेपाल
१६ नामिबिया
१७ अमेरिका
१८ ओमान
१९ युएई
