१८ मंसिर,एजेन्सी ।
इन्डोनेसियामा सोमबार मारापी ज्वालामुखी विस्फोट भएको छ । जसका कारण त्यहाँ ११ आरोहीको मृत्यु भएको छ । उद्धार टोलीका अनुसार १२ जनाको खोजी भइरहेको छ । योसँगै ४९ जनाको जीवितै उद्धार गरिएको छ । आइतबार २ हजार ८ सय ९१ किलोमिटरको उचाइमा रहेको ज्वालामुखीले करिब ३ किलोमिटर उचाइमा खरानी फालेको थियो ।
जसका कारण आसपासका सडक र सवारी साधनमा खरानी छरिएको छ । सोमबार पनि सानो विष्फोट भएको बताइएको छ । जसका कारण केही समय उद्धार कार्य रोकिएको छ । मारपी भनेको आगोको पहाड हो। यो सुमात्रा टापुमा सबैभन्दा सक्रिय ज्वालामुखी हो।
अन्तराष्ट्रिय संचारमाध्याका अनुशार ज्वालामुखी विष्फोट भएको स्थान नजिकै दुई पर्वतारोहण मार्गहरू छन्, जुन अहिले बन्द गरिएको छ । साथै, ज्वालामुखीको मुखबाट तीन किलोमिटरसम्म भिरालोमा रहेका गाउँहरूलाई सावधानीका रूपमा खाली गराइएको छ।
विस्फोटपछि ज्वालामुखीबाट लाभा निस्कने सम्भावना रहेको छ । इन्डोनेसियाली द्वीपसमूह प्यासिफिक रिङ अफ फायरमा अवस्थित छ, जहाँ महाद्वीपीय प्लेटहरूको अवस्थितिले उच्च ज्वालामुखी र भूकम्पीय गतिविधि निम्त्याउँछ। इन्साइक्लोपीडिया अफ टुरिज्म नामक पुस्तकका अनुसार मानिसमा ज्वालामुखी हेर्ने क्रेज हजारौं वर्ष पुरानो हो ।
इतिहासकारहरूका अनुसार १७औं र १८औँ शताब्दीमा युरोपका अति धनी पर्यटकहरूले ज्वालामुखीको भव्य भ्रमण गर्थे। तिनीहरू इटालीको भेसुभियस र एटना ज्वालामुखी हेर्न जान्छन्। तर सन् २०१७ मा न्यूजिल्याण्डमा ज्वालामुखी विष्फोट भएपछि ज्वालामुखी पर्यटन चर्चाको विषय बनेको थियो ।
यस दुर्घटनामा १६ पर्यटकको ज्यान गएको थियो । यता चक्रवाती आँधी मिचोङको प्रभावका कारण चेन्नईका धेरै क्षेत्रमा भारी वर्षा भइरहेको छ । केही क्षेत्र डुबानमा समेत परेका छन् । यो आँधी ५ डिसेम्बर अर्थात मंगलबार आन्ध्र प्रदेश हुँदै जानेछ ।
मौसम पूर्वानुमान महाशाखाका अनुसार दक्षिण–पश्चिम बंगालको खाडीमा बनेको गहिरो न्यून चाप चक्रवातमा परिणत हुनेछ । यो डिसेम्बर ४ मा दिउँसो दक्षिण आन्ध्र प्रदेश र छेउछाउको उत्तरी तमिलनाडु तटबाट पश्चिम–मध्य बंगालको खाडीमा पुग्नेछ।
हाल, चेन्नई र नजिकैको चेंगलपेट, कांचीपुरम र थिरुवल्लुवर जिल्लाहरूमा आइतबार रातिदेखि भारी वर्षा जारी छ। यो चक्रवाती आँधीको प्रभाव मानिन्छ । जसका कारण रेल तथा हवाई सेवा समेत अवरुद्ध भएको छ ।
समाचार एजेन्सी पीटीआईका अनुसार चेन्नई पुलिसले भनेको छ – पानी जमेको कारण १४ सबवे बन्द गरिएको छ र ११ ठाउँमा रूखहरू ढलेका घटनाहरू पनि रिपोर्ट गरिएको छ। वर्षाका कारण १२ वटा आन्तरिक उडान रद्द गर्नुपरेको छ ।
यसबाहेक चार अन्तर्राष्ट्रिय उडान पनि रद्द भएका छन् । एकै साथ, विदेशबाट आउने तीन उडानहरू बेंगलुरु डाइभर्ट गरिएको छ।
