Nepal Times
Nepal Times
333
Shares

पुटिनले गरे २ नयाँ आणविक पनडुब्बीको निरीक्षण

पुटिनले गरे २ नयाँ आणविक पनडुब्बीको निरीक्षण

२६ मंसिर,एजेन्सी ।
रुस लगातार आफ्नो सैन्य शक्ति बढाउनमा लागिरहेको छ । राष्ट्रपति भ्लादिमिर पुटिनले सोमबार दुई आणविक पनडुब्बीको झण्डा फहराउने समारोहमा सहभागी भए। पुटिन सेभमाश जहाज निर्माण यार्डमा अलेक्ज्याण्डर थर्ड र क्रास्नोयार्स्क पनडुब्बीहरू हेर्न उत्तरी शहर सेभेरोडभिन्स्क पुगेका थिए ।

पुटिनले यसलाई रुसी नौसैनिक शक्ति प्रक्षेपण गर्ने रणनीतिक प्रयासको एक हिस्साको रूपमा वर्णन गरेका छन् । पुटिनले दुवै आणविक उर्जा जहाज दुई फरक पनडुब्बी शृङ्खलाको हिस्सा भएको र रुसले तैनाथ गर्न लागेको बताएका छन् । यी पन्डुब्बी प्रशान्त क्षेत्रमा तैनाथ गरिनेछन् ।

पुटिनले आर्कटिक, ब्ल्याक सी, बाल्टिक सागर, क्यास्पियन सागर र विश्वका महासागरहरूको सबैभन्दा महत्त्वपूर्ण रणनीतिक क्षेत्रहरूमा रूसी नौसेनाको लडाई तयारी र सटीकतालाई बलियो बनाउने समेत बताएका छन् । उनले भने, ‘आज तपाईका अगाडि आएका आणविक पनडुब्बीलाई पूरा नभएर शुरुवात मान्नुपर्छ । हामीले यस्ता धेरै हतियार ल्याउने छौं ।

रूसको अलेक्ज्याण्डर थर्ड नयाँ बोरेई (आर्कटिक पवन) वर्गको आणविक पनडुब्बीको भाग हो । जुन शीत युद्ध पछि सुरु गरिएको पहिलो नयाँ पुस्ताको हो । गत महिना रुसी रक्षा मन्त्रालयले जहाजले आणविक क्षमताको बुलाभा अन्तरमहादेशीय ब्यालिस्टिक मिसाइलको सफल परीक्षण गरेको बताएको थियो ।

यस्तै क्रास्नोयार्स्क लामो दूरीको उच्च परिशुद्धता क्षेप्यास्त्रहरूले सशस्त्र बहु–भूमिका पनडुब्बीहरूको हो । जसबाट समुद्र र जमिन दुवै लक्ष्यहरूमा आक्रमण गर्न सकिन्छ । पुटिनले गत हप्ता मार्चमा हुन लागेको राष्ट्रपतीय निर्वाचनमा पुनः उम्मेदवारी दिने घोषणा गरेका थिए ।

पुटिनले शुक्रबार युक्रेन युद्धमा लडिरहेका सैनिकहरूलाई सन् २०२४ मा हुने राष्ट्रपतीय निर्वाचनमा आफू फेरि उम्मेदवार बन्न लागेको बताएका थिए । सन् १९९९ को उत्तरार्धमा बोरिस येल्त्सिनबाट सत्ता लिएका पुटिनले जोसेफ स्टालिनपछिका कुनै पनि रुसी शासकभन्दा लामो समयसम्म राष्ट्रपतिको रूपमा सेवा गरेका छन्। चुनाव लड्ने उनको घोषणासँगै उनी सन् २०३० सम्म रुसको राष्ट्रपति रहने कुरा लगभग स्पष्ट भइसकेको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.