५ पुष, एजेन्सी ।
विश्वले यतिबेला दुई महायुद्ध खेपिरहेको छ । झण्डै २ वर्षदेखि युक्रेन र रुसबीचको युद्ध जारी छ । अर्कोतिर इजरायल र हमासबीच पनि व्यापक नरसंहारकै स्थीतिमा पुगेको युद्धले विश्वको चिन्ता बढाएको छ । यसबीच उत्तर कोरियाका नेता किम जोंग उनको एक धम्कीले विश्वलाई थर्कमान बनाएको छ ।
हुन त किमले पहिलादेखि नै आफूविरुद्ध जसले धावा बोल्छ उसलाई नछाड्ने चेतावनी दिदै आएका थिए । यसमा किमकी बहिनी पनि उनीभन्दा कम छैनन् । तर पछिल्लो पटक किमले परमाणु हान्ने भन्दै दिएको चेतावनीले भने चिन्ता थप बढाएको छ ।
उत्तरको सरकारी मिडियाले किमलाई उदृत गर्दै लेखेको छ, कि यदि कुनै शत्रुले हामीलाई परमाणु बमले उकास्ने प्रयास गर्छ भने हामी दाँयाबाँया नहेरी सिधैं परमाणु आक्रमण गर्न हिच्किचाउँदैनौं । किमको यस्तो चेतावनी यस्तो बेला आएको हो, जतिबेला दक्षिण कोरिया र अमेरिका साथमा परमाणु योजनामा काम गरिरहेका छन् ।
खासमा उनी यी दुई देशले परमाणु योजनामा सहकार्य गरेकोमा भड्किएका हुन् । तर किमको चेतावनीले अमेरिका, दक्षिण कोरिया र जापानमा चिन्ता बढेको छ । केसीएनए समाचार एजेन्सीले भनेको छ कि उनका सर्वोच्च नेता किम जोंग उनले यस्तो टिप्पणी त्यतिबेला गरेका हुन् जतिबेला उनी अन्तरमहाद्विपिय ब्यालेस्टीक मिसाइलको हालैको प्रक्षेपण अध्यासमा सैनिकहरुसंग छलफल गरिरहेका थिए ।
सो क्रममा किमले नाम नलिकनै अमेरिका र दक्षिण कोरियामाथि निशाना साधेका थिए । उत्तर कोरिया पछिल्ला केही महिनादेखिनै अमेरिका र दक्षिण कोरियाबीचको सैन्य अभ्यासहरुबाट चिढिएको छ । उसलाई लाग्छ कि यही कारण उसको सम्प्रभुता खतरामा छ । केसीएनएले किमलाई उदृत गर्दै भनेका छ, कि यस पल्ट उत्तर कोरियाको दृढ सैन्य गतिविधि आक्रामक जवाफी कारबाहीका लागि पुरै तयारी अवस्थामा छ ।
अब यदी कुनै पनि शत्रुले आफूलाई उकास्छ भने उमाथि परमाणु खसाउँन रत्तिभर पनि संकोच नगर्ने किमले बताएको केसीएनएले जनाएको छ । उत्तरले मंगलबार भनेको थियो, कि उसले बढ्दो अमेरिकी शत्रुतालाई मध्यनजर गर्दै आफनो परमाणु हतियार विकसित गरेको छ । यसैक्रममा उत्तरले सोमबार पनि आफ्नो नविनतम आईसीबीएमको परिक्षण गरेको थियो ।
जसको अमेरिका र उसका सहयोगीहरुले निन्दा गरेका छन् । केसीएनएको रिपोर्टका अनुसार, किमले भने, सोमबार गरिएको प्रक्षेपण सम्पुर्णरुपमा सफल भयो । यो परिक्षणले सेनाको शक्ति र तिब्र गतिमा आक्रमण गर्न सक्ने क्षमतालाई प्रदर्शन गरेको छ । यो परिक्षणमा हामीले आफ्नो युद्धक क्षमतालाई थप मजबुत गर्ने प्रयासहरुलाई आह्वान गरेका छौं, किमले भनेका छन् ।
एक अर्को बयानमा किमको बहिनी किम यो जोंगले उत्तरको आईसीबीएमको लञ्चमा संयुक्त राष्ट्र सुरक्षा परिषदले बैठक आयोजना गरेकोमा निन्दा ब्यक्त गरेकी छिन् । उनले भनिन्, यो हाम्रो देशको आत्मरक्षाका लागि गरिएको अध्यास थियो ।
यूएनएससीले बरु अमेरिका र दक्षिण कोरियाको गैर जिम्मेवार व्यवहार र कर्ममाथि ध्यान दिनुपर्छ, जसले वर्षभरी नै सबै प्रकारका सैन्य गतिविधिहरु गरेर उत्तर कोरियालाई उकासेका छन्, किमकी बहिनीको भनाई थियो ।
